«اقجايىق» فۋتبول كلۋبىنىڭ ءباسپاسوز قىزمەتىنەن ءمالىم ەتكەنىندەي, ۆ.مازيارمەن كەلىسىمشارت رەسمي تۇردە ءۇزىلدى. ورالدىق كوماندا ۆ.مازيارعا العىسىن ءبىلدىرىپ, الداعى قىزمەتىنە ساتتىلىك تىلەدى.
قازىرگى كەزدە ويىنشىلاردى ۋاقىتشا قازاقستاندىق مامان الەكسەي تۋگۋشەۆ جاتتىقتىرۋدا. ول ۆ.مازياردىڭ جاتتىقتىرۋشىلار شتابىندا قىزمەت ەتتى.
ەل بىرىنشىلىگىندە الماتىدا «قايراتتان» 0:2 ەسەبىمەن جەڭىلىپ قالعاننان كەيىن ۋكراينالىق مامان كوماندادان كەتەتىنىن مالىمدەگەن ەدى. ايتسە دە فۋتبولشىلارمەن كەزدەسكەن سوڭ شەشىمىن وزگەرتىپ, قالاتىن بولعان. ونىمەن ءىس وڭالمادى. 8 شىلدە كۇنى ورالدىقتار قازاقستان كۋبوگى ءۇشىن قىزىلوردا قالاسىندا وتكەن ويىندا ءبىرىنشى ليگادا ونەر كورسەتەتىن «قايساردان» تاعى ۇتىلدى. «اقجايىق» ەل كۋبوگى ءۇشىن كەزدەسۋدە 17 شىلدە كۇنى ءوز الاڭىندا اقتاۋدىڭ «كاسپيىن» قابىلدايدى.
كۇنى بۇگىن باس باپكەر ىزدەستىرىلىپ جاتىر.
