«سىبايلاس جەمقورلىققا قارسى قىزمەت كوكشەتاۋ قالاسى پوليتسيا باسقارماسىنىڭ لاۋازىمدى تۇلعالارىنا قاتىستى باسقا ورگاننىڭ ءىس جۇرگىزۋىندە جاتقان قىلمىستىق ءىستى توقتاتقانى ءۇشىن كاسىپكەردەن 50 مىڭ اقش دوللارى سوماسىندا اقشا قاراجاتىن الۋ فاكتىسى بويىنشا سوتقا دەيىنگى تەرگەۋ جۇرگىزۋدە.
وسى جىلدىڭ 8 شىلدەسىندە جۇرگىزىلگەن جەدەل-تەرگەۋ ءىس-شارالارىنىڭ ناتيجەلەرى بويىنشا قپك-ءنىڭ 128-بابى تارتىبىندە كوكشەتاۋ قالاسى پوليتسيا باسقارماسى باستىعىنىڭ ورىنباسارى ۇستالدى», دەلىنگەن حابارلامادا.
9 شىلدەدە كوكشەتاۋ قالاسىنىڭ تەرگەۋ سوتى كۇدىكتىگە قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسىن سانكتسيالادى.
قازىرگى ۋاقىتتا سوتقا دەيىنگى تەرگەۋ جۇرگىزىلۋدە.
وزگە اقپارات تەرگەۋ مۇددەسىندە جاريا ەتۋگە جاتپايدى.
