دوڭگەلەك ۇستەلگە قر يدم كوميتەتتەرىنىڭ توراعالارى تولەگەن ابدۋللين مەن قاسىم تلەپوۆ, كولىك سالاسىنداعى تاۋەلسىز ساراپشى, «Kazlogistics» قازاقستان كولىك وداعى توراعاسىنىڭ ورىنباسارى يۋري لاۆريەنكو, «قتج» ۇك» اق توراعاسىنىڭ ورىنباسارى قانات الماعامبەتوۆ جانە «ترانسكاسپي حالىقارالىق كولىك ءدالىزى» حالىقارالىق اسسوتسياتسياسى» زتب باس حاتشىسى گايدار ابدىكەرىموۆ قاتىستى.
بريفينگ بارىسىندا بەلگىلى بولعانداي, بيىلعى جىلدىڭ سوڭىنا دەيىن «قاراعاندى – بالقاش» ۋچاسكەسىنىڭ بارلىق باعىتى اشىلىپ, پايدالانۋعا بەرىلمەك. بۇگىندە جاڭا كولىك ءدالىزىنىڭ 277 شاقىرىمىندا جول قوزعالىسى اشىلعان. بۇل تۋرالى اۆتوموبيل جولدارى كوميتەتىنىڭ توراعاسى تولەگەن ابدۋللين ايتىپ بەردى.
«بالقاش – بۋرىلبايتال» جانە «بۋرىلبايتال – كۇرتى» باعىتىنداعى جول جەلىسى 2023 جىلدىڭ اياعىنا دەيىن ىسكە قوسىلادى. سونىمەن قاتار قازىرگى تاڭدا «كۇرتى – قاپشاعاي» ۋچاسكەسىندە تولىققاندى قۇرىلىس-مونتاج جۇمىستارى جۇرگىزىلۋدە. اتالعان جوبانى جۇزەگە اسىرۋعا 277 ينجەنەرلىك جانە وندىرىستىك مامان تارتىلىپ, ەڭبەك ەتۋدە. بۇل جول جەلىسى 2024 جىلى اشىلادى دەپ بولجانۋدا», دەدى قر يدم وكىلدەرى.
سپيكەرلەردىڭ ايتۋىنشا, «باتىس ەۋروپا – باتىس قىتاي» حالىقارالىق كولىك ءدالىزىنىڭ «قىزىلوردا – قارابۇتاق – اقتوبە – رف شەكاراسىنا دەيىن» ۋچاسكەسىن رەكونسترۋكتسيالاۋ جۇمىستارى ەكى كەزەڭ بويىنشا جۇزەگە اسىرىلماق.
ال «تالدىقورعان – قالباتاۋ – وسكەمەن» باعىتىنداعى اۆتوموبيل جولى كەلەسى جىلى اشىلادى كۇتىلۋدە. اتالعان كولىك ءدالىزىنىڭ جالپى ۇزىندىعى 768 شاقىرىمدى قۇرايدى. ونىڭ 37 شاقىرىمى ءبىرىنشى تەحنيكالىق كاتەگورياعا جاتسا, 731 شاقىرىمى ەكىنشى ساناتتا. بۇل جول جەلىسىنىڭ بارلىق باعىتى 2022 جىلدىڭ سوڭىنا قاراي اشىلماق. ال تولىققاندى جوندەۋ جۇمىستارى كەلەسى جىلى اياقتالادى.
ال قر يدم كولىك كوميتەتىنىڭ توراعاسى قاسىم تلەپوۆ ەلىمىزدىڭ كولىك-لوگيستيكالىق كەشەنىنىڭ ماڭىزى جايىندا جانە وسى باعىتتا اتقارىلىپ جاتقان جۇمىستار تۋراسىندا جان-جاقتى اڭگىمەلەدى. ترانسكاسپي حالىقارالىق كولىك ءدالىزى – قازاقستاننىڭ ترانزيتتىك جانە ەكسپورتتىق مۇمكىندىگىن ارتتىرۋدا ماڭىزدى ءرول اتقارادى. اتالعان كولىك مارشرۋتى ازەربايجان, گرۋزيا, تۇركيا ارقىلى ەۋروپاعا جول اشادى.
ء«بىزدىڭ الدىمىزدا اتالعان كولىك ءدالىزىنىڭ وتكىزۋ مۇمكىندىگىن ارتتىرۋ ماقساتى تۇر. سونىمەن قاتار اقتاۋ پورتى ارنايى ەكونوميكالىق ايماعىندا كونتەينەرلىك حاب قۇرۋ كوزدەلىپ وتىر. بۇل ترانسكاسپي ترانسپورتتىق مارشرۋتى ارقىلى جۇك تاسىمالداۋ مۇمكىندىگىن ارتتىرۋعا سەپتەسەدى. جوباعا الەمدىك ءىرى لوگيستيكالىق كومپانيالار تارتىلماق. سونداي-اق كاسپي تەڭىزىندەگى پاروم فلوتى جەتىسپەۋشىلىگىنە بايلانىستى ءوزىمىزدىڭ 10 پاروم فلوتىن سالۋ كوزدەلۋدە», دەدى سپيكەر.
قازىرگى ۋاقىتتا تەمىر جول سالاسىندا دا بىرقاتار ينفراقۇرىلىمدىق جوبالار بەلسەندى تۇردە جۇزەگە اسىرىلۋدا. ماسەلەن, «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسى شەڭبەرىندە دوستىق – مويىنتى, داربازا – ماقتاارال, الماتى بەكەتىن اينالىپ وتەتىن تەمىر جول جەلىسى جوبالارى قولعا الىنعان.
