قاسىم-جومارت توقاەۆقا قازاقستانداعى ءاربىر وتباسىنىڭ ءال-اۋقاتىن ارتتىرۋعا جانە جۇمىسپەن قامتۋ ءىسىنىڭ تابىستى بولۋى ءۇشىن جاعداي جاساۋعا باعىتتالاتىن جاڭا الەۋمەتتىك ساياسات قالىپتاستىرۋ تاسىلدەرى ۇسىنىلدى.
تامارا دۇيسەنوۆا مەملەكەت باسشىسىنا وتباسىنىڭ تسيفرلىق كارتاسىن جاساۋ, الەۋمەتتىك قىزمەت كورسەتۋ پورتالىن جانە الەۋمەتتىك قازىناشىلىق اقپاراتتىق جۇيەسىن دامىتۋ جوسپارى جونىندە ايتتى. پرەزيدەنت گەوساياسي جاعدايدىڭ وزگەرۋىن جانە ەڭبەك نارىعىنا قىسىمنىڭ كۇشەيۋىن ەسكەرە وتىرىپ ازىرلەنگەن كوشى-قون ساياساتىن دامىتۋ جوسپارىمەن تانىستى.
كەزدەسۋ سوڭىندا قاسىم-جومارت توقاەۆ الەۋمەتتىك ەڭبەك سالاسىنداعى وزەكتى پروبلەمالاردى شەشۋ جونىندە بىرقاتار تاپسىرما بەردى. مەملەكەت باسشىسى جاستاردى جۇمىسپەن قامتۋ باعدارلامالارىنىڭ تيىمدىلىگىن ارتتىرۋ, الەۋمەتتىك قورعاۋ جۇيەسىنىڭ تەتىكتەرىن جەتىلدىرۋ قاجەت ەكەنىن اتاپ ءوتتى.
