قازاقستان تەننيس فەدەراتسياسىنان ءمالىم ەتكەندەي, قازاقستاندىق تەننيسشى بۇگىن ەلوردا ۋاقىتىمەن ساعات 20.00-دە بۇكىلاعىلشىندىق لاۋن-تەننيس كلۋبىنىڭ ورتالىق كورتىندا الەمنىڭ بۇرىنعى ءبىرىنشى راكەتكاسى, «ۇلكەن دۋلىعا» ءتۋرنيرىنىڭ ەكى مارتە چەمپيونى (فرانتسيا اشىق چەمپيوناتى – 2018, ۋيمبلدون – 2019), قازىرگى كەزدە رەيتينگتە 18-ورىندا تۇرعان رۋمىنيالىق سيمونا حالەپپەن شەبەرلىك بايقاسادى.
قارسىلاستاردىڭ بۇعان دەيىن ءوزارا ءۇش رەت جولدارى توقايلاسقان. ەسەپ – 2:1, رۋمىنيالىق سپورتشىنىڭ پايداسىندا. ە.رىباكينا 2019 جىلى ۋحاندا (قىتاي) س.حالەپتىڭ ماتچتى جالعاستىرۋدان باس تارتۋىنا بايلانىستى جەڭگەن ەدى.
ال سيمونا 2020 جىلى دۋبايدا 3:6, 6:3, 7:6 (7:5) جانە وتكەن جىلى US Open جارىسىنىڭ ءۇشىنشى اينالىمىندا 7:6 (13:11), 4:6, 6:3 ەسەبىمەن باسىم تۇسكەن.
سوڭعى ەكى ويىن دا اسا تارتىستى ءوتتى. ە.رىباكينا ۇلىبريتانيا اشىق چەمپيوناتىندا جارتىلاي فينالعا دەيىن كوكو ۆاندەۆەگە, بيانكا اندرەەسكۋ, چجەن تسينۆەن, پەترا مارتيچ جانە ايلا تومليانوۆيچتان ايلاسىن اسىردى.
دودا بارىسىندا شيرەك فينالدا عانا ءبىر پارتيا ۇتىلدى.
