قوعام • 05 شىلدە، 2022

كىتاپحاناشىلاردىڭ جالاقىسى از

92 رەت كورسەتىلدى

كىتاپحانا قىزمەتىندە جۇمىس ىستەيتىن جاس مامانداردىڭ جالاقىسى 65 مىڭ تەڭگە. لايىقتى ەڭبەكتىڭ قايتارىمى بولماعاندىقتان، جاستار بۇل سالادان كەتۋگە ءماجبۇر. بۇل تۋرالى سەمەيدەگى اباي اتىنداعى كىتاپحانانىڭ قىزمەتكەرلەرى وڭىرگە كەلگەن پارلامەنت ءماجىلىسىنىڭ دەپۋتاتتارى ءامىرحان راحىمجانوۆ پەن جانات وماربەكوۆامەن وتكەن كەزدەسۋدە ايتتى.

امبەباپ كىتاپحانا قازاق­ستانداعى تاريحي-مادەني نى­سان­داردىڭ ءبىرى سانالادى. ونىڭ اشىلۋى 1883 جىلى مۇراجاي ورنالاسقان وبلىستىق ستاتيستيكا كوميتەتىنىڭ عيماراتىندا وتكەن ەدى. ۇزاق جىلدار كىتاپحانانىڭ تۇراقتى وقىرماندارىنىڭ قاتارىندا ۇلى شايىر ابايدىڭ ءوزى بولعان. تاۋەلسىزدىك العاننان كەيىن 1992 جىلى كىتاپحاناعا حاكىمنىڭ ەسىمى بەرىلدى. قازىر مۇندا 8 ءبولىم، 39 كىتاپحاناشى جۇمىس ىستەپ كەلەدى.

كىتاپحانا قورىندا 385 مىڭنان استام كىتاپ بار، ونىڭ قۇندى مالىمەتتەرىنە 19 مىڭنان استام وقىرمان قانىعىپ ءجۇر. كىتاپ بەرۋ كولەمى جىلىنا 400 مىڭ­عا جۋىقتايدى. جىل سايىن كىتاپ­حانادا 400-گە جۋىق ءتۇرلى مادەني ءىس-شارا ۇيىمداستىرىلىپ كەلەدى.

كەزدەسۋ بارىسىندا دەپۋتاتتار جۇرگىزىلىپ جاتقان جۇمىستار مەن جاڭادان قۇرىلعان اباي وبلى­سىندا ءبىرىنشى كەزەكتە شەشىلۋگە ءتيىس بىرنەشە ماسەلەگە توقتالدى.

كىتاپحانا قىزمەتكەرلەرى ءوز تاراپىنان بىرقاتار قوردالانعان پروبلەمانى جەتكىزدى. اتاپ ايتقاندا، كىتاپحانا جۇيەسىن تسيفر­لاندىرۋ، جالاقىنى ارتتىرۋ، سول سەكىلدى جاس ماماندارعا قو­لاي­لى جاعدايلار جاساۋ سالا­داعى كۇن تارتىبىندەگى ماسە­لە­لەر­دىڭ قا­تا­رىندا. سونداي-اق كىتاپ­حانا تۋرا­لى زاڭ قابىلداۋ قاجەت­تىگى تۋرا­لى ۇسىنىستار دا ايتىلدى.

بۇدان بولەك، دەپۋتاتتارعا كىتاپحانالار، مۇراعاتتار جانە ءىرى كومپانيالارعا ارنالعان جاپپاي تسيفرلاندىرۋ جوبالارىن جۇزەگە اسىرۋعا سەپتەسەتىن ارنايى اۆتوماتتى كىتاپ سكانەرلەرىنىڭ جەتىسپەۋشىلىگى تۋرالى ايتىلدى. قازىر ۇلكەن كىتاپحانا قورىنداعى تەك 5،5 مىڭنان استام كىتاپ قانا تسيفرلاندىرىلعان.

كىتاپحانادا اۋقىمدى كىتاپ قورى بولعانىمەن، قاجەتتى تەحنو­لوگيانىڭ تاپشىلىعىنان بىر­قاتار قيىندىق تۋىنداپ وتىر. اي­تالىق، XIX عاسىردا جارىق كور­گەن كوپتەگەن جۋرنال مەن كىتاپ ءالى تسيفرلاندىرۋ پروتسەسىنەن وتكى­زىلمەگەن. بۇل تۇتاستاي كىتاپ­حا­نانىڭ تسيفرلى تۇرعىدا دامۋىنا كەرى اسەرىن تيگىزىپ وتىر.

 

اباي وبلىسى

سوڭعى جاڭالىقتار

اباي مۇراسى اسقاقتادى

اباي • بۇگىن، 00:04

ۇلتتىق مەرەكە

اباي • بۇگىن، 00:02

ەت ماسەلەسىنە ەپ كەرەك

ەكونوميكا • بۇگىن، 00:01

ۇلت ۇستازى جانە باتپاقتى مەكتەبى

احمەت بايتۇرسىن ۇلى • كەشە

جاۋىنگەر جىر

تانىم • كەشە

ۇقساس جاڭالىقتار