ايماقتار • 06 شىلدە، 2022

ساپا نارىعىندا باسەكەلەستىككە جول اشىلادى

56 رەت كورسەتىلدى

بۇگىندە عالامدىق تەحنولوگيالىق ۇدەرىستەردىڭ ناتيجەسى بىلىكتى ماماندار كورسەتكىشىنە بايلانىستى ايقىندالۋدا. وسى ورايدا ەل ەكونوميكاسىنداعى ساپالىق كورسەتكىشتەردى ارتتىرۋدا ستاندارتتاۋ جانە مەترولوگيا ماماندارىنا قويىلاتىن تالاپتار كۇشەيىپ كەلەدى. ساتباەۆ ۋنيۆەرسيتەتىندە اشىلعان KazStandard Academy حالىقارالىق تالاپتار ۇدەسىنەن شىعا وتىرىپ، ەل نارىعىندا جوعارى سۇرانىسقا يە مامانداردى دايارلاۋ ىسىنە باسىمدىق بەرىپ وتىر.

سوڭعى جىلداردا تەحنيكالىق ءبىلىم بەرۋدىڭ ماڭىزى ارتۋدا. بۇل باعىتقا پرەزيدەنت ق.توقاەۆ اسا ءمان بەرە وتىرىپ، بىلىمگە دەگەن كوزقاراستى وزگەرتۋ قاجەتتىگىن ۇنەمى قاپەردە ۇستاپ كەلەدى. ياعني ينجەنەر-ونەركاسىپشىلەردىڭ جاڭا بۋىنىن دايارلاۋدىڭ كەزى كەلدى. وندىرىلەتىن جانە يمپورتتالاتىن ءونىمنىڭ ساپاسىنا قويىلاتىن تالاپتاردىڭ كۇشەيۋىنە بايلانىس­تى باسەكەگە قابىلەتتى ماماندار كورسەتكىشىن ارتتىرۋ ۋاقىت تالابىنا اينالدى.

KazStandard Academy-نىڭ اشىلۋ سالتاناتىندا ساپا سالاسىندا كوشباسشى بولىپ تابىلاتىن قازاقستان ستاندارتتاۋ جانە مەترولوگيا ينستيتۋتى مەن Satbayev University اراسىندا مەموراندۋمعا قول قويىلىپ، قاتىسۋشىلار ەكى جاقتى ىنتىماقتاستىققا سايكەس كادر ماسەلەسىنە نازار اۋداردى.

اكادەميانىڭ اشىلۋ سالتاناتىندا تەحنيكالىق رەتتەۋ جانە مەترولوگيا كوميتەتىنىڭ توراعاسى ارمان ابەنوۆ، قازاق­ستان ستاندارتتاۋ جانە مەترولوگيا ينستيتۋتىنىڭ باس ديرەكتورى عابيت مۇحامبەتوۆ، Satbayev University رەكتورى مەيرام بەگەنتاەۆ، KazStandard Academy جەتەكشىسى قاسىم ەلەمەسوۆ جانە تاعى باسقالار KazStandard Academy دامىتۋداعى ءىس-شارالارعا قاتىستى مىندەتتەردى تالقىلادى.

قازاقستان ستاندارتتاۋ جانە مەترولوگيا ينستيتۋتىنىڭ باس ديرەكتورى عابيت مۇحامبەتوۆ ءوز سوزىندە: ء«بىزدىڭ ماقساتىمىز – ەكونوميكانىڭ بارلىق سالالارىن ستاندارتتاۋ جانە مەترولوگيا سالاسىنداعى ماماندارمەن قامتاماسىز ەتۋگە كومەك كورسەتۋ، ءبىلىم الۋشىلاردىڭ عىلىمي-زەرتتەۋ جۇمىستارىن جۇرگىزۋ ءۇشىن وندىرىستىك الاڭ قۇرۋ. Satbayev University-دە قوس تاراپتى ءبىلىم بەرۋدى ەنگىزۋگە باسىمدىق بەرىلۋدە»، دەپ اتاپ ءوتتى. سونىمەن بىرگە تاۋەلسىز مەملەكەتىمىزدىڭ دامۋىندا ايرىقشا رولگە يە جوعارى وقۋ ورىندارىنىڭ ءبىرى رەتىندە Satbayev University ەلىمىزدىڭ تاۋ-كەن، مۇناي-گاز سالاسىنا بىرنەشە بۋىن بىلىكتى ماماندار دايارلاپ، بۇگىندە ولار بەلگىلى عالىمدار، ينجەنەرلەر، باسقارۋ جۇيەسىندە بەدەلدى ماماندار رەتىندە تانىل­عانىنا توقتالدى. بۇگىندە Satbayev University ورتالىق ازيا وڭىرىندەگى ءىرى عىلىمي زەرتتەۋ حابىنا اينالۋ مۇمكىندىگىنە يە. ع.مۇحامبەتوۆتىڭ ايتۋىنشا، پاندەميادان كەيىنگى جانە قازىرگى گەوساياسي جاعدايلارعا سەرگەك قاراي وتىرىپ، بۇگىنگى نارىق تالاپتارىنا ساي بىلىكتى ماماندار دايارلاۋ ماسەلەسىنە نازار اۋدارۋ ەلىمىزدىڭ ءبىلىم بەرۋ سالاسى­نىڭ الدىندا تۇرعان ماڭىزدى مىندەت. وسى ورايدا قازاقستان ستاندارتتاۋ جانە مەترولوگيا ينستيتۋتى ءبىلىم جانە عىلىم مينيسترلىگىمەن بىرلەسە وتىرىپ، بىرقاتار اۋقىمدى ىستەردى جۇزەگە اسىردى. ەندىگى كەزەكتە بارلىق بەدەلدى قۇرىلىمداردىڭ مۇشەسى رەتىندە بىلىكتى ماماندار دايارلاۋ ىسىنە بەلسەندى اتسالىساتىن بولادى. وسى ورايدا ع.مۇحامبەتوۆ وقىتۋشى-پروفەسسورلىق قۇرامدى، عالىمدار مەن ستۋدەنتتەردى وسى جوباعا قاتىسۋعا شاقىرا وتىرىپ، حالىقارالىق كەڭىستىكتە باسە­كە­لەستىكتى ارتتىرۋدا تەوريا، بىلى­ك­تىلىك، تاجىريبە جيناۋ ءۇشىن تەح­ني­كالىق بازالىق مۇمكىندىكتەر جاسالاتىنىن اتاپ ءوتتى. ناقتى ايتقاندا، «ستاندارتتاۋ جانە سەرتيفيكاتتاۋ» جانە «مەترولوگيا جانە مەترولوگيالىق قامتاماسىز ەتۋ» باعىتتارى بويىنشا ماگيس­تراتۋرا مەن دوكتورانتۋرا اشۋ، پروفەسسورلىق-وقىتۋشىلىق قۇرام قۇزىرەتىن ارتتىرۋ، R&D، ستان­­دارتتاۋ، مەترولوگيا جانە سەر­تي­فيكاتتاۋ جونىندەگى وقۋلىق­تار­دى، وقۋ قۇرالدارىن قولدانا وتى­رىپ، قولدانىستاعى ءبىلىم بەرۋ باعدار­لامالارىن دامىتۋ جانە جاڭارتۋعا باسىمدىق بەرىلەتىن بولادى.

قازاقستاندا وندىرىلگەن تاۋار­لار­دىڭ الەمدىك نارىقتاعى باسەكە­لەس­تىگىنە جاعداي جاساۋ وندى­رىس­تەگى ۇردىستەردىڭ وڭتايلانۋى جانە دالدىگىمەن تىعىز بايلانىستى. KazStandard Academy ماقساتى ستاندارتتار ساپاسىن ارتتىرۋدا ماماندار جۇمىسىنىڭ ناتيجەلى بولۋىنا ىقپال ەتە وتىرىپ، كاسىبي جەتىستىكتەرگە جەتۋگە مۇمكىندىك بەرەتىن ءبىلىم الاڭىنا اينالۋدى كوزدەيدى. ول ءۇشىن حالىقارالىق تالاپتاردى ەلىمىز نارىعىنا يكەمدەي وتىرىپ، ماگيستراتۋرا، دوكتو­رانتۋرا، سونىمەن بىرگە ستاندارتتاۋ مەن مەترولوگيا سالاسىنداعى يننوۆاتسيالىق قىزمەتتى دە دامىتۋ قاجەتتىگىنە نازار اۋداراتىن بولادى.

 

الماتى

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار