مۇنداي فەستيۆالدى ۇيىمداستىرۋدى تۇرعىنداردىڭ ءوزى ۇسىنىپتى. قالا اكىمدىگى يدەيانى قولداپ, كوپكە دەيىن ايتىپ جۇرەر تاماشا كەشتى وتكىزۋگە مۇرىندىق بولدى. شاراعا سابيلەر, بالالار, ءتىپتى ەگدە جاستاعى ەگىزدەر دە قاتىستى. جينالعاندار ەستەلىك سۋرەتكە ءتۇسىپ, قىزىقتى سۇراقتاردىڭ استىنا الدى.
23 جاستاعى داستان مەن دۋماننىڭ دۇنيەگە كەلگەن ساتىندەگى ايىرماشىلىق 10 مينۋت ەكەن.
– وزىڭە ۇقساس جانمەن بىرگە ءومىر ءسۇرۋ قىزىق. ارالاساتىن تانىستارىمىز ءارتۇرلى. كەيدە تۇسىنىسپەۋشىلىك تۋىنداپ جاتادى. مىسالى, دوستارىمىز «كوشەدە ءمان بەرمەي ءوتىپ كەتتىڭ» دەپ رەنجىپ جاتادى. جالپى, كوزقاراسىمىز ءجيى سايكەس كەلەدى, – دەيدى دۋمان.
ەگىز بولۋدىڭ پايداسى دا از ەمەس. دۋمان ءۇشىن اعاسى ەمتيحاندى ءساتتى تاپسىرعان. كوزقاراستارى ۇقساس بولسا دا, العان ءبىلىمى ءارتۇرلى. ءبىرى قۇرىلىسشى ماماندىعىن يگەرسە, ءبىرى مەتاللۋرگ ماماندىعى بويىنشا ءتالىم العان.
پاۆلودار
