ايماقتار • 05 شىلدە، 2022

پاۆلوداردا زاڭسىز جۇمىس ىستەگەن شەتەل ازاماتتارى ۇستالدى

20 رەت كورسەتىلدى

جۇمىس بەرۋشىگە قاتىستى قر اقبك 519-بابى بويىنشا اكىمشىلىك ماتەريال تولتىرىلدى، دەپ حابارلايدى Egemen.kz Pavlodarnews.kz سايتىنا سىلتەمە جاساپ.

وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە، 2-ءشى سوۆەتوۆ كوشەسى بويىندا سالىنىپ جاتقان ۇيدە وزبەكستاننىڭ 8 ازاماتى قۇرىلىسشى رەتىندە ءتيىستى رۇقساتسىز جۇمىس ىستەگەن.

ء«تارتىپ بۇزۋشىلار قر اقبتك-ءنىڭ 517-بابى 5-بولىگى بويىنشا جاۋاپكەرشىلىككە تارتىلدى. سونداي-اق ءتارتىپ ساقشىلارى ىزدەۋدە جۇرگەن بەس قىلمىسكەردى انىقتادى. ماسەلەن، ىزدەۋدە جۇرگەن بەلارۋس رەسپۋبليكاسىنىڭ ازاماتى - 43 جاستاعى  قىلمىسكەر  سول ەلدىڭ قىلمىستىق كودەكسىنىڭ 174-بابىنىڭ 3-بولىگىندە كوزدەلگەن قىلمىس جاسادى دەپ ايىپتالعان»، دەدى پاۆلودار وبلىسى  پوليتسيا دەپارتامەنتىنىڭ باستىعى ۆاسيلي سكليار.

سوتتارعا جولدانعان 226 اكىمشىلىك ماتەريالدى قاراۋ ناتيجەلەرى بويىنشا تمد-نىڭ 26 ازاماتىنا قاتىستى ەلدەن شىعارىپ جىبەرۋ تۋرالى شەشىمدەر قابىلداندى. 195 شەتەل ازاماتىنىڭ قازاقستان رەسپۋبليكاسىندا ۋاقىتشا بولۋ مەرزىمى قىسقارتىلدى. سونىمەن قاتار، شەتەلدىك جۇمىس كۇشىن زاڭسىز پايدالانۋدىڭ 32 فاكتىسى انىقتالدى.

«بارلىق فاكتىلەر بويىنشا شەتەلدىكتەردى جۇمىسقا زاڭسىز جالداعان جۇمىس بەرۋشىلەر قر اقبتك-ءنىڭ 519-بابى بويىنشا اكىمشىلىك جاۋاپكەرشىلىككە تارتىلدى. قابىلداۋ-تاراتۋ ورنىنا  جەكە باسىن انىقتاۋ ءۇشىن بەس ازامات قاماۋعا الىندى»، دەدى ۆاسيلي سكليار.

ەستەرىڭىزگە سالا كەتەيىك،  زاڭسىز كوشى-قونعا جانە ادام ساۋداسىنا قارسى ءىس-قيمىل ماقساتىندا 2022 جىلعى 27 ماۋسىم - 4 شىلدە ارالىعىندا وبلىس اۋماعىندا «نەلەگال-2022» جەدەل الدىن الۋ ءىس-شاراسى ءوتتى. 

شارا بارىسىندا كوشى-قون پوليتسياسىمەن قازاقستان رەسپۋبليكاسىندا بولۋ ەرەجەلەرىن بۇزعان 410 شەتەلدىك انىقتالىپ، اكىمشىلىك جاۋاپكەرشىلىككە تارتىلدى. ونىڭ ىشىندە بىرەۋى الىس شەتەل ازاماتى جانە 409-ى تمد ەلدەرىنىڭ ازاماتى.

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار