ايماقتار • 03 شىلدە، 2022

تۇماندى البيوندا توپ جارعان كوماندا

21 رەت كورسەتىلدى

قازاقستاندىق روبوتتەحنيكا كومانداسى ۇلىبريتانيانىڭ كوسفورد قالاسىندا وتكەن FIRST Tech Challenge وليمپيا­داسىندا جەڭىسكە جەتتى.

NIS (FMN)، BIL جانە Haileybury سياقتى الما­تى­داعى جەتەكشى مەكتەپتەردىڭ 15-17 جاس ارالىعىنداعى 12 وقۋ­شىسى قا­تىسقان جارىس­تا جاس ينجەنەرلەر مەن باع­دار­لاماشىلار 10 ويىندا دا جەڭىسكە جەتىپ، ءاب­سوليۋتتى رەكورد ورناتتى.

وسىلايشا، قازاقستان كومانداسى ۇلىبريتانياداعى ەڭ مىقتى روبوت ينجەنەرلەرىنە قارسى ويىندا جەڭىسكە جەتتى. بۇگىندە 80 ميلليون اقش دول­لارى كولەمىندەگى ستيپەنديا قورى بار FIRST روبوتتەح­نيكا چەمپيوناتتارىنىڭ جە­ڭىم­پازدارى الەمنىڭ جەتەك­شى ۋنيۆەرسيتەتتەرىندە تەگىن ءبى­لىم الۋعا ءوتىنىش بەرۋ مۇم­كىن­دىگىنە يە.

ەۋروپا مەن ازيا ەلدەرىنەن بارلىعى 21 كوماندا قاتىسقان FTC UK Regional – 2022 روبوت­­تەحنيكا جارىسىندا توپ جا­­رۋ ارينە وڭايعا تۇس­پە­گەنى انىق. وسى ورايدا الما­تى في­زيكا-ماتەماتيكا باعى­تىن­داعى «NIS kyran x SWB» كو­مان­داسى ءبىرىنشى ورىنعا يە بول­عانىن ەرەكشە اتاپ وتۋگە بولادى.

FIRST Tech Challenge ين­جە­نەرلىك جارىستارىنىڭ باستى ماقساتى – وقۋشىلاردىڭ تەح­نيكالىق ءبىلىم دەڭگەيىن ارت­تىرۋ، كوماندادا جۇمىس ىستەۋ جانە مىندەتتەردى ءبولۋ داع­دىلارىن دامىتۋ. بۇل بو­­لا­شاق ينجەنەرلەر مەن روبو­­ت­­تەحنيكتەردى دامىتۋدا ما­ڭىزدى باعدارلاما بولىپ تا­بىلادى. روبوتتەحنيكا بويىنشا كوماندالىق جارىستا بەلگىلى ۋاقىت ىشىندە باسەكەلەستىك الاڭدا تاپسىر­مالاردى ورىنداي الاتىن رو­­بوتتى جوبالاۋ جانە ق­ۇ­راس­­تىرۋ جۇكتەلدى. وسى وراي­دا كومانداعا اۆتونومدى جانە باس­قارىلاتىن رەجىمدەردە بىر­قاتار ارەكەت­تى ورىنداي الاتىن روبوتتار قۇراس­تى­رىلدى.

قازاقستان نامىسىن قور­عاعان NIS kyran x SWB جانە Haileybury Initium كوماندالارى بريتاندىقتارعا قارسى ءبىر اليانستا ونەر كورسەتىپ، 6 بىلىكتىلىك ماتچىن، ەكى جارتىلاي فينالدى جانە ەكى في­­نالدى رەكوردتىق ەسەپپەن جەڭىپ الدى. قۇراما بۇل جەڭىس­پەن شەكتەلىپ قالمادى. بالالار Tournament champion كۋبوگىن جانە Judges award – تورەشىلەردىڭ تاراپىنان بەرى­لەتىن، قاتىسۋشىلاردىڭ چەمپيوناتتا ۇزدىك ناتيجە كور­سەتكەندەرىن دالەلدەيتىن ەڭ نە­گىزگى ماراپاتتى جەڭىپ الدى.

 

الماتى

سوڭعى جاڭالىقتار

پلەي-وففتان تىس قالدى

فۋتبول • بۇگىن، 08:43

ءۇشىنشى ورىنعا كوتەرىلدى

سپورت • بۇگىن، 08:40

ۇزدىك تورتتىكتىڭ قاتارىندا

تەننيس • بۇگىن، 08:39

مىڭعا جۋىق بالانى كەنە شاقتى

ايماقتار • بۇگىن، 08:34

اۋرۋحانانىڭ جاڭا كورپۋسى اشىلادى

مەديتسينا • بۇگىن، 08:30

قاڭعىباس مىسىقتان قاۋىپ كوپ

قوعام • بۇگىن، 08:25

تسيفرلاندىرۋ جۇمىسىمەن تانىستى

ايماقتار • بۇگىن، 08:15

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار