قوعام • 01 شىلدە، 2022

الاياقتىق بەلگىلەرى بار كومپانيالاردىڭ ءتىزىمى جاريالاندى

165 رەت كورسەتىلدى

جوسىقسىز قىزمەت كورسەتۋ بەلگىلەرى بار ۇيىمداردىڭ ءتىزىمى جاريالاندى، دەپ حابارلايدى Egemen.kz قارجى نارىعىن رەتتەۋ جانە دامىتۋ اگەنتتىگىنىڭ ءباسپاسوز قىزمەتىنە سىلتەمە جاساپ.

«مۇنداي ۇيىمداردا ءوز بەتىنشە نەمەسە دەلدالداردى تارتا وتىرىپ جوعارى كىرىس تولەۋگە ۋادە بەرىپ، ولاردىڭ اتىنان باسقا ادامدار ارەكەت ەتەتىن اقشا تارتۋ جونىندەگى قىزمەت بەلگىلەرى بولادى»، دەلىنگەن حابارلامادا.

ءتىزىم جەكە جانە زاڭدى تۇلعالاردىڭ وتىنىشتەرى مەن شاعىمدارىن قاراي وتىرىپ، مەملەكەتتىك ورگاندارمەن جانە قوعامدىق ۇيىمدارمەن ءوزارا بىرلەسىپ جاسالعانى. قازىرگى ۋاقىتتا تىزىمگە 154 سۋبەكت كىرەدى.

«تىزىمدەگى سۋبەكتىلەردىڭ قىزمەتى قارجىلىق ليتسەنزيالاۋ جانە رەتتەۋ اياسىنان تىس. تيىسىنشە، كليەنتتەردىڭ ولارعا كورسەتىلەتىن قارجىلىق قىزمەتتەر بويىنشا قۇقىقتارى زاڭنامالىق تۇرعىدان قورعالماعان. وسىعان بايلانىستى، اگەنتتىكتىڭ تىزىمىندە كورسەتىلگەن تۇلعالارمەن قارجىلىق وپەراتسيالار جاساۋ قازاقستان رەسپۋبليكاسىنىڭ ازاماتتارى ءۇشىن سالىنعان قاراجاتتان ايىرىلۋدىڭ جوعارى تاۋەكەلدەرىنە الىپ كەلۋى مۇمكىن»، دەلىنگەن حابارلامادا.

ۆەدومستۆو مالىمەتىنشە، ءتىزىمدى جاريالاۋ قولدانىستاعى الاياقتىق سحەمالار مەن جالعان اكتيۆتەر تۋرالى حالىقتىڭ حاباردار بولۋىن ارتتىرادى. 

سوڭعى جاڭالىقتار

ەلوردا «جاسىل» ايماققا ءوتتى

كوروناۆيرۋس • كەشە

ۇقساس جاڭالىقتار