وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, ساعات 23.15-تە جەرگىلىكتى جشس-ءنىڭ ءبىرىنىڭ تسەحىنا 31 جاستاعى سلەسار جۇمىس ىستەپ جاتقان كەزدە بۋنكەرگە قۇلاپ كەتكەن.
«اتالعان فاكتى بويىنشا تەكسەرۋ جۇرگىزىلۋدە. ساراپتاما تاعايىندالدى», دەپ حابارلادى دەپارتامەنتتە.
وبلىستىق دەنساۋلىق ساقتاۋ باسقارماسىندا جۇمىس بەرۋشىگە حابارلاما جىبەرىلگەنىن جانە جازاتايىم وقيعاعا قاتىستى تەرگەۋ ۇيىمداستىرىلعانىن ءمالىم ەتتى.
«جۇمىسشى تەرەڭدىگى 10 مەتردەي شاحتاعا قۇلاپ كەتكەن. 1991 جىلى تۋعان ەر ادامدا جابىق باس سۇيەك-مي جاراقاتى, بەل ومىرتقاسىنىڭ كومپرەسسيالىق سىنۋى, ەكىنشى دارەجەلى تراۆماتيكالىق شوك تىركەلدى», دەيدى باسقارمادا.
ايانا توعانبەك
