ول پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ كەزەكتى وتىرىسىندا ۇلتتىڭ تۇتاس پسيحولوگياسىن, فيلوسوفياسىن, ەتيكاسى مەن مادەنيەتىن, پەداگوگيكاسىن قالىپتاستىرعان ۇلى تۇلعالارىمىزدىڭ كوزقاراسى نەگىزىندە «مەكتەپكە دەيىنگى جانە باستاۋىش مەكتەپ مەكەمەلەرىندەگى تاربيە تۇجىرىمداماسىن» جاساۋدى ۇسىندى.
«ويتكەنى اقپاراتتىق تەحنولوگيالاردىڭ تاسقىنى رۋحاني قۇندىلىقتاردى تىقسىرىپ بارادى. الەۋمەتتىك جەلىدە بالدىرعاندارعا كورسەتىپ جاتقان زورلىق-زومبىلىق تۋرالى ۆيدەولاردان, جاريالانىمداردان كوز سۇرىنەدى. ۇلتتىق تاربيە كوزى رۋحاني قۇندىلىق رەتىندە باعالانباي, جويىلىپ بارا ما دەگەن الاڭداۋشىلىق بار», دەدى كوميسسيا مۇشەسى ءوز سوزىندە.
سونداي-اق ول الەۋمەتتىك جەلىدەگى تۇسىنىكتەر تەكەتىرەسى ناتيجەسىندە «ۇياتمەن» دەگەن جاڭا ۇعىم پايدا بولعانىن دا ايتتى.
«ۇيات. وبال. ساۋاپ. ءبىزدى ۇلت رەتىندە ساقتاۋشى اتا-بابادان كەلە جاتقان وسى ءۇش قاعيدا ەدى. بۇگىن الەۋمەتتىك جەلىدەگى تۇسىنىكتەر تەكەتىرەسى ناتيجەسىندە «ۇياتمەن» دەگەن جاڭا ۇعىم پايدا بولدى. سوندىقتان مەكتەپ وقۋشىلارىنا مەدياساۋاتتىلىق پەن تسيفرلىق ساۋاتتىلىقتى ۇيرەتۋ زامان تالابىنا اينالىپ وتىر», دەپ اتاپ ءوتتى ول.
