ايدىڭ كۇننىڭ امانىندا ورىن العان تابيعي قاۋىپ-قاتەردەن اۋىل تۇرعىندارى ءالى ەس جيار ەمەس. ءبارى بىرلەسىپ, داۋىلدان زارداپ شەككەن وتباسىلارىنا ءحال-قادەرىنشە كومەكتەسىپ جاتىر.
«تابيعي اپاتتىڭ قاشان كەلەتىنىن تاپ باسىپ ايتۋ قيىن. اۋىل مەكتەبىنىڭ شاتىرىن الاي-تۇلەي جەل ستاديونعا دەيىن سۇيرەپ اكەتكەن. ودان بولەك 2-3 تۇرعىن ءۇيدىڭ توبەسىنىڭ شيفرى كوشەنى جاۋىپ قالعان. قۋانىشقا وراي, زارداپ شەككەن ەشكىم جوق. قۇلاعان اعاشتاردان كوشەنى تازارتىپ جاتىرمىن», دەيدى اۋىل اكىمى ايدارحان مىرزاقاسىم.
وكىنىشكە قاراي, زاڭ اياسىندا جەكەمەنشىك ۇيلەرگە مەملەكەت تاراپىنان ەشقانداي كومەك كورسەتىلمەيدى. كەتكەن شىعىندى ءۇي يەلەرى وزدەرى كوتەرەدى. اۋداندىق توتەنشە جاعدايلار ءبولىمىنىڭ باسشىسى ەرسىن جاعىپاروۆ جاقىندا ارنايى كوميسسيا قۇرىلاتىنىن ايتتى.
«بولعان وقيعاعا بايلانىستى اۋدان اكىمى ارنايى كوميسسيا قۇرىپ, كەلگەن شىعىندى ەسەپتەيدى. اكت جاسالىپ, وبلىس ورتالىعىنا جىبەرىلەدى. ايتسە دە, تۇرعىن ۇيلەرگە كومەكتەسەمىز دەپ ايتا المايمىز. ول ماسەلە زاڭدا قاراستىرىلماعان. تەك اۋىلدىق ءبىلىم مەكەمەسىن قايتا قالپىنا كەلۋىنە جاردەمدەسە الامىز», دەيدى ە.جاعىپاروۆ.
