ەكونوميكا • 30 ماۋسىم، 2022

كولىكقۇمارلارعا ارنالدى

44 رەت كورسەتىلدى

ەلوردادا Automechanika Astana 2022 حالىقارالىق كورمەسى ءوتتى. وندا اۆتوكولىكتەرگە تەحنيكالىق قىزمەت كورسەتۋگە ارنالعان قوسالقى بولشەكتەر، اۆتوقۇرامداۋىشتار، جابدىقتار مەن تاۋارلار ۇسىنىلدى.

Automechanika Astana – جاڭا تالاپ­تارعا سايكەس كەلەتىن شەتەلدىك سەرىك­­تەستەردى ىزدەۋگە ارنالعان الاڭ. كور­مە ورتالىق ازياداعى اۆتو­مو­­بيل ونەركاسىبى، ديلەرلىك ور­تا­­لىق­تار، قىزمەت كورسەتۋ جانە جون­­دەۋ سەگمەنتتەرىنىڭ وكىلدەرى ارا­­­­سىندا نەتۆوركينگ جانە جاڭا بيز­­­نەس-شە­شىمدەردى تابۋ ءۇشىن نە­گىز­­­گى پلاتفورما سانالادى. ون­دا اۆ­تو­ك­ولىكتەردىڭ ساتىلىمنان كەي̆ىن­گى قىز­­مەت كورسەتۋى ءۇشىن قوسال­قى بول­شەك­­تەردەن باستاپ كەرەك-جاراقت­ار­عا دەي̆ىن قاجەتتى دۇنيەنىڭ ءبارى ۇسىنىلادى.

بۇل جولعى كورمەگە قازاقستان، رەسەي̆، يتاليا، پولشا، قىتاي̆، جاپونيا جانە باسقا دا ەلدەردىڭ كومپانيالارى قاتىسقانىن اتاپ ءوتۋ كەرەك. اسىرەسە كەلۋشىلەردى Phaeton، Karcher، Meiji Sangyo Company، Truck Motors جانە Varta كومپانيالارىنىڭ ستەندتەرى باۋراپ الدى.

ءىس-شارانىڭ باس دەمەۋشىسى بولعان قازاقستاندىق Phaeton ديستريبيۋتورلىق كومپانياسىنىڭ ەكسپوزيتسياسىندا قوناقتار جاڭا Winkod برەندىنە، سونداي-اق febi، Zacks، Bosch سياقتى تانىمال ماركالارمەن شىعارىلاتىن ءونىم ۇل­گىلەرىنە نازار اۋداردى. كەلۋ­شى­لەر Wewatt باتارەيالارىن، Teta انتي­فريزدەرىن جانە باسقا اۆتومو­بيل كومپونەنتتەرىن كورىپ، تانىستى.

Karcher تەحنيكالىق قۇرالدار مەن ماتەريالداردىڭ بارلىق ءتۇرىن ۇسىندى. كومپانيانىڭ كوپشىلىك­پەن بولىسەر قىزىقتى جاڭالىقتار­دى دا بار ەكەن. اتاپ ايتقاندا، اينەك جۋعا ارنالعان جيناق، ەلەكتر گەنەراتورى، ليتي اككۋمۋلياتور­لارىمەن جۇ­مىس ىستەيتىن ەدەن جۋ ماشيناسى، بەنزين قوزعالتقى­شى بار جۋ­عىش ماشينا جانە اۆتو­مو­بيل اينەك­تەرىندەگى مۇزدى كەتىرۋگە ار­نالعان مەحانيكالىق قول قۇرىلعىسى جۇرتشىلىققا ۇسىنىلدى. اسىرەسە قۇرعاق مۇزدى تازارتۋ قوندىرعىسىن كوپشىلىك جاقسى قابىلدادى. ونىڭ كومەگىمەن اينەكتى ەلەكتروندى سحەمالارعا زاقىم كەلتىرمەي تازالاۋعا بولادى.

Meito Sangyo Company كومپانياسى 30-عا جۋىق جاپون برەندىن ۇسىندى. ولاردىڭ ءبىرازى قازاقستاندا كەڭىنەن تانىمال. مىسالى، ءبىزدىڭ ەلدە Akebono، Bando، Tokico برەندتەرىمەن جاقسى ونىمدەر ۇسىنىلعان. ءتورت جىل بۇرىن نارىققا ProFix موتور مايلارى كىردى. ءوندىرۋشى بۇل مايلار جوعارى جۇكتەمەمەن جاقسى جۇمىس ىستەيتىنىن ايتىپ وتىر. ازىرگە جەلى جەڭىل اۆتوكولىكتەرگە ارنالعان. كوپ ۇزاماي جۇك ماشينالارىنا ارنالعان مايلار پايدا بولماق.

كوممەرتسيالىق كولىككە ار­نالعان قوسالقى بولشەكتەردى TruckMotors كومپانياسى ۇسىندى. كومپانيا وتاندىق نارىقتا 20 جىلدان استام ۋاقىت جۇمىس ىستەيدى. Febi، Andac، Diesel Technic، Tora سەكىلدى جەتكىزۋشىلەر ارىپتەستىك بايلانىس ورناتقان.

جالپى، بيىلعى كورمەنىڭ ەرەك­شەلىگى – ىسكەرلىك بەلسەن­دىلىككە، بايلانىستاردى كەڭەيتۋگە جانە شەتەلدىك ارىپتەستەرمەن كەلىسىمدەر جاساسۋعا باسا نازار اۋدارىلعاندىعىندا. كومپا­نيالاردىڭ وكىلدەرى كورمە جىلدان-جىلعا قىزىقتى بولىپ كەلە جاتقانىن اتاپ ءوتتى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار