مەديتسينا • 29 ماۋسىم، 2022

مەديتسينا ماماندارىنا ءدارىس وقىدى

29 رەت كورسەتىلدى

«پرەناتالدىق دياگنوس­تي­­كانىڭ تاڭداۋلى ماسە­لە­­لەرى» تەگىن كۋرسىن «شەۆ­رون» كومپانياسىنىڭ قار­جىلاي قولداۋىمەن AYALA قايىرىمدىلىق قو­رى ۇيىم­داستىردى. وقىتۋ نۇر-سۇلتان قالاسىنداعى اقمو­لا وبلىسىنىڭ №2 كوپ­سا­لالى اۋرۋحاناسىن ساراپ­تامالىق سىنىپتاعى ۋدز-اپپاراتپەن جانە 8 كار­ديو­مونيتورمەن جابدىقتاۋ جونىندەگى جوبانىڭ سوڭعى كەزەڭى بولدى.

سۋرەتتى تۇسىرگەن ەرلان ومار، «EQ»

ساراپتامالىق سىنىپتاعى ۋدز-اپپا­رات­تارىمەن قامتاماسىز ەتۋ جانە دارىگەرلەردى تۋا بىتكەن دەفور­ماتسيا انوماليالارى مەن حرومو­سومالىق بۇزۋشىلىقتاردى قۇرساق ىشىندەگى انىقتاۋ بويىنشا وقىتۋ – دەنساۋلىق ساقتاۋ مي­­­نيسترلىگى ءۇشىن بالالاردىڭ مۇ­­گەدەكتىگىن قىسقارتۋ تۋرالى ما­­­سە­لەنى شەشۋدەگى باستى باسىم­دىق­تاردىڭ ءبىرى.

كاسىپورىننىڭ قازاقستاندا­عى قو­عام­مەن بايلانىس جونىن­دەگى ۇيلەس­تى­رۋشىسى جانار قوش­پانوۆانىڭ ايتۋىنشا، كارديو­مو­­نيتورلارمەن بىر­گە پرە­نا­تال­دىق سكرينينگكە ارنال­عان ۋدز-جاب­دىقتارى جانە ارنايى ازىرلەن­گەن بىلىكتىلىكتى ارتتىرۋ باعدارلا­ما­سى دارىگەرلەر مەن بولا­شاق اتا-انالارعا ءالى دۇنيەگە كەلمەگەن ءسابيدىڭ دەنساۋلىعى تۋ­رالى تو­لىق اقپارات الۋعا مۇم­كىندىك بەرەدى.

ء«بىز پرەناتالدىق دياگنوس­تيكا­داعى دالدىك پەن ۋاقتىلى اۋىر، دارىگەرلىك تۇزەتۋگە كەلمەيتىن كە­مىس­تىكتەرى بار بالالاردىڭ تۋىن بول­دىرماۋعا كومەكتەسەتىنىنە جانە ەلىمىزدىڭ بولاشاق ۇرپاقتارىنىڭ گەنە­تيكالىق دەنساۋلىعىن قالىپ­تاستىرۋعا ەلەۋلى ۇلەس قوساتىنىنا سەنىمدىمىز»، دەدى ج.قوشپانوۆا.

دەنساۋلىق ساقتاۋ مينيستر­لىگىنىڭ مالىمەتىنشە، 2022 جىلدىڭ 1 قاڭتارىندا قازاقستاندا ءتۇرلى اۋرۋلار بويىنشا 18 جاسقا دەيىنگى مۇگەدەك بالالار سانى 98 مىڭنان استى. سالىستىرمالى تۇردە ايتساق، 2010 جىلى بۇل كورسەتكىش جارتى ەسەگە از بولىپ، 49 349 بالانى قۇ­رادى. ءبىز جىل سايىن مۇگەدەك بالالار سانىنىڭ قارقىندى ءوسىپ كەلە جاتقانىن بايقاپ وتىر­مىز. بۇل رەتتە ەكى نەگىزگى سەبەپ باسىم – بۇل تۋا بىتكەن دەفورماتسيا انوماليالارى جانە حروموسومالىق بۇزىلۋلار، سونداي-اق جۇكتىلىك پەن بوسانۋ اعىمىنىڭ اسقىنۋلارى. سوندىقتان پرەناتالدىق دياگ­نوستيكانى جەتىلدىرۋ جانە دامۋ كەمىستىگى بار بالالاردىڭ تۋىن بولدىرماۋ – دەنساۋلىق ساقتاۋ مينيسترلىگى جانىنداعى انا مەن بالا دەنساۋلىعىن قورعاۋ دەپار­تامەنتىنىڭ باسىم باعىتى.

AYALA قورى 15 جىلدان بەرى قازاقستاندا بالا ءولىمى مەن مۇگە­دەكتىكتى ازايتۋ بويىنشا جۇمىس ىستەپ كەلەدى. «وسى ۋاقىت ىشىندە ءبىز 1 100-دەن استام رەانيماتسيالىق جاب­دىق­تاردى پرەناتالدىق ورتا­لىق­تار مەن بالالار اۋرۋحانالارى­نا بەردىك. بيىل دارىگەرلەرگە قۇر­ساق ىشىلىك دامۋدىڭ ءتۇرلى پا­تو­­لوگياسىن ءدال جانە دەر كە­زىندە انىقتاۋعا، سونداي-اق نەونا­تال­دىق وفتالمولوگيالىق سكرينينگ جۇرگىزۋگە كومەكتەسەتىن دياگ­نوس­تيكالىق قۇرال-جابدىقتاردى ساتىپ الۋعا كۇش سالامىز. دەنساۋ­لىق ساقتاۋ مينيسترلىگى انا مەن بالانى قورعاۋ دەپارتامەنتىنىڭ باسشىلىعىمەن كەزدەسۋدە ورتاق باسىمدىقتارىمىزدىڭ تولىق ساي­كەس كەلەتىنىنە كوز جەتكىزدىك. ەلىمىزدىڭ مەديتسينالىق مەكەمە­لەرىن ساراپتامالىق سىنىپتاعى ۋدز-اپپاراتتارمەن قامتاماسىز ەتۋ جانە ۋدز-دارىگەرلەردى ناقتى پرەناتالدىق دياگنوستيكادان وتكى­زۋ جونىندەگى باستامامىز «شەۆ­رون» كومپانياسىنىڭ قولداۋىنا يە بولعانىنا قۋانىشتىمىز. ءبىز وسى قاۋىپتى ترەندتى بىرگە وزگەر­تىپ، قازاقستانداعى سابيلەردىڭ مۇ­گە­دەكتىگىن ازايتا الامىز»، دەدى AYALA قوعامدىق قورىنىڭ پرەزي­دەنتى ايدان سۇلەيمەنوۆا.

«شەۆرون» كومپانياسىنىڭ قار­جىلاي قولداۋىمەن نۇر-سۇل­تان قالاسىنداعى اقمولا وبلىسىنىڭ ­№2 كوپسالالى اۋرۋحاناسىندا ­­­8 كارديومونيتورمەن جيىنتىقتال­عان SAMSUNG ءوندىرىسىنىڭ ساراپ­تامالىق سىنىپتاعى HERA W10 اپ­پاراتى ورناتىلدى. بۇل جو­بانى تۇراقتى دامىتۋ ءۇشىن AYALA قو­رى «پرەناتالدىق دياگنوس­تي­كا­نىڭ تاڭداۋلى ماسەلەلەرى» ار­نايى كۋرسىن ازىرلەدى، ودان قۇرامداس­تىرىلعان فورماتتا (ونلاين جانە وفلاين) دەنساۋلىق ساقتاۋ مي­نيسترلىگى ۇسىنعان قازاقستاننىڭ تۇكپىر-تۇكپىرىنەن 20 ۋدز-دارىگەر وقۋدان ءوتتى. ونلاين وقىتۋعا دا­رىس­تەر، ونلاين سيمۋلياتورداعى تاپ­سىرمالار، ءۇي تاپسىرمالارىن ورىن­داۋ جانە ونى اياقتاۋ كەزىندە مىندەتتى قورىتىندى تەستىلەۋ كىردى. وفلاين وقىتۋ اۋرۋحانانىڭ وزىندە ۋدز-اپپاراتتىڭ ورناتىلعان بازاسىندا ءوتتى. تاجىريبەلى وقىتۋشى – جوعارى ساناتتى پراكتيك ۋدز-دارىگەرىمەن بىرگە قازاقستاندىق اۋرۋحانالاردىڭ دارىگەرلەرى جۇكتى پاتسيەنتتەردى ۋلترادىبىسپەن تەك­سەرە الدى، دياگنوزدار قويۋعا جانە قۇرساق ىشىندەگى تۋا بىتكەن دە­فورماتسيا انوماليالارى مەن حرو­موسومالىق بۇزىلۋلاردى انىق­تاۋعا تاجىريبە جيناقتادى. بارلىق دارىگەر بىلىكتىلىگىن ارتتىرۋ تۋرالى سەرتيفيكات الدى، ەڭ باستىسى – بالالاردىڭ تۋا بىتكەن جانە تۇقىم قۋالايتىن اۋرۋلارىنىڭ الدىن الۋعا كومەكتەسەتىن بىلىمگە جانە پراكتيكالىق داعدىعا يە بول­دى. كومپانيا 2010 جىلدان باستاپ قازاقستاندىق دارىگەرلەر­دىڭ بىلىكتىلىگىن ارتتىرۋعا قولداۋ كورسە­تىپ كەلەدى. كومپانيانىڭ قول­داۋىمەن 1 مىڭنان استام دا­رىگەر جاڭا تۋعان نارەستەلەرگە كۇ­تىم جاساۋدىڭ جاڭا ادىستەرىنە تەگىن وقىتىلدى. ولاردىڭ ىشىندە 647 دارىگەر «AYALA ونلاين-اكادەمياسى» پلاتفورماسىنىڭ 3 تەگىن كۋرسىندا وقۋعا تىركەلدى. قازىرگى ۋاقىتتا قازاقستاندىق دارىگەرلەر مەن مەدبيكەلەرگە ارنالعان تاعى 4 كۋرس ازىرلەنۋدە.

ايتا كەتەتىن ءبىر جايت، AYALA قايىرىمدىلىق قورى 2007 جىل­دىڭ مامىر ايىندا قۇرىلعان. قوردىڭ ميسسياسى – قازاقستان­داعى قايىرىمدىلىق ءداستۇرى مەن مادەنيەتىن تاربيەلەۋ. 15 جىل ىشىندە قور ەلىمىزدىڭ 67 ەلدى مە­كە­نىندە 242 مەملەكەتتىك بالا­لار مەديتسينالىق جانە ءبىلىم بەرۋ مە­كەمەلەرىن قامتىدى. قور جۇ­مى­­سىنىڭ نەگىزگى باعىتتارى – بالا­لاردىڭ دەنساۋلىعىن ساقتاۋ، ءبىلىم بەرۋ جانە حالىقتىڭ الەۋمەتتىك وسال توپتارىنا كومەك كورسەتۋ سالا­سىنداعى الەۋمەتتىك جانە قايى­رىم­دىلىق جوبالاردى ىسكە اسى­رۋ. AYALA قورىنىڭ بارلىق جو­با­لارىنىڭ نەگىزگى ماقساتى – بالا­لاردىڭ ءومىرىن جاقسارتاتىن قوعام­داعى وڭ وزگەرىستەر. قور نازار­دى قاجەت ەتەتىن پروبلەمالىق ايماق­تاردى انىقتايدى جانە وعان كومەك­تەسە الاتىن دەمەۋشىلەردى تارتادى. تۇراقتى، اشىق جانە جاريا جۇمىس ىستەيدى. قور تارتقان بارلىق قاراجات الەۋمەتتىك جانە قايىرىمدىلىق جوبالار مەن باع­دارلامالاردى ىسكە اسىرۋعا عانا پاي­دالانىلادى.

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار