قارجى • 29 ماۋسىم، 2022

قازاقستاننىڭ التىن-ۆاليۋتا رەزەرۆتەرى تومەندەدى

13 رەت كورسەتىلدى

ۇلتتىق بانكتىڭ جالپى حالىقارالىق رەزەرۆتەرى 2022 جىلعى مامىردا الدىن الا دەرەكتەر بويىنشا 1،9%-عا تومەندەپ، 32،8 ملرد دوللاردى قۇرادى، دەپ حابارلايدى Egemen.kz.

«التىن-ۆاليۋتا رەزەرۆتەرىنىڭ ازايۋى اقش قازىناشىلىق وبليگاتسيالارىنىڭ كىرىستىلىگىنىڭ ارتۋى اياسىندا التىن باعاسىنىڭ تومەندەۋى ەسەبىنەن بولدى. التىن-ۆاليۋتا رەزەرۆتەرىنە ىقپال ەتكەن قوسىمشا فاكتورلار - ەدب-ءنىڭ ۇلتتىق بانكتەگى كوررەسپوندەنتتىك شوتتارىنىڭ تومەندەۋى جانە مەملەكەتتىك قارىزدىڭ تولەنۋى»، دەلىنگەن قر ۇلتتىق بانكى حابارلاماسىندا.

نەگىزىنەن، جەرگىلىكتى ۆاليۋتا نارىعىندا شەتەل ۆاليۋتاسىن ساتىپ الۋ التىن-ۆاليۋتا رەزەرۆتەرىنىڭ ۆاليۋتالىق بولىگىن ءىشىنارا قالپىنا كەلتىردى.

ەلدىڭ حالىقارالىق رەزەرۆتەرى تۇتاستاي العاندا، ۇلتتىق قوردىڭ شەتەل ۆاليۋتاسىنداعى اكتيۆتەرىن (53،8 ملرد دوللار) قوسا العاندا، 2022 جىلعى مامىردىڭ سوڭىندا 86،6 ملرد دوللاردى قۇرادى.

بۇل رەتتە اقشا بازاسى 0،9%-عا قىسقارىپ، 9 875 ملرد تەڭگەنى قۇرادى (جىل باسىنان بەرى - 9،9%-عا). ۇلتتىق بانكتەگى ەكىنشى دەڭگەيدەگى بانكتەردىڭ مەرزىمدى دەپوزيتتەرىن ەسەپتەمەگەندە اقشا بازاسى 2،8%-عا، 7 037،7 ملرد تەڭگەگە دەيىن قىسقاردى (جىل باسىنان بەرى 1،3%-عا كەڭەيدى).

مامىر ايىندا اقشا ماسساسى 2،3%-عا تومەندەپ، 28 319،2 ملرد تەڭگەنى قۇرادى (جىل باسىنان بەرى - 5،9%-عا)، اينالىستاعى قولما-قول اقشا 1%-عا، 3 076،8 ملرد تەڭگەگە دەيىن ازايدى (جىل باسىنان بەرى 2،6%-عا ءوستى).

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار