ەكولوگيا • 29 ماۋسىم، 2022

«اقجايىق» تابيعي رەزەرۆاتىندا قىرىلعان قۇستاردىڭ سانى 5 مىڭنان استى

14 رەت كورسەتىلدى

اتىراۋ وبلىسىندا كاسپي تەڭىزىنىڭ جاعالاۋىندا قۇستار قىرىلىپ جاتىر. ولگەن قۇستاردىڭ سانى 5 250-گە جەتتى، دەپ حابارلايدى Egemen.kz.

قارا شۇبار تۇقىمدى شاعالانىڭ جاپپاي قىرىلۋ دەرەگى كاسپي تەڭىزىندەگى «قاشاعان» كەن ورنىندا ورنالاسقان ەكى جاساندى ارالدا انىقتالعان. قىرىلعان قۇستاردىڭ سانى – 2 750.

وسىعان وراي، اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىندا قۇستاردىڭ ءولۋ سەبەپتەرىن انىقتاۋ ءۇشىن كوميسسيا قۇرىلدى. كوميسسيا مۇشەلەرى قۇستار قىرىلعان جەرگە بارىپ، وندا پروفيلاكتيكالىق تەكسەرۋلەر جۇرگىزدى. سول جەردەن سۋ، توپىراق جانە اۋا سىنامالارى، قۇستاردىڭ ولەكسەلەرى زەرتتەۋگە الىندى.

«بەس كۇننەن كەيىن، ياعني 24 ماۋسىمدا اۋىل شارۋاشىلىعى مينيسترلىگى ۆەتەريناريالىق باقىلاۋ جانە قاداعالاۋ كوميتەتىنىڭ ۆەتەريناريا بويىنشا ۇلتتىق رەفەرەنتتىك ورتالىعىنان ولگەن قۇستاردىڭ سىنامالارىنان «ان5 قۇس تۇماۋىنا» وڭ ناتيجە انىقتالعانى تۋرالى جاۋاپ كەلدى. وسىعان بايلانىستى اتىراۋ وبلىسىنىڭ اۋماعىندا قۇزىرەتتى ورگانداردىڭ قاتىسۋىمەن ۇقساس جاعدايلاردى انىقتاۋ ماقساتىندا تولىق باقىلاۋ مونيتورينگى جۇرگىزىلدى. 26 ماۋسىمدا كاسپي تەڭىزىنىڭ سولتۇستىك بولىگىندە ورنالاسقان شالىگا ارالىنداعى «اقجايىق» مەملەكەتتىك تابيعي رەزەرۆاتىنىڭ اۋماعىندا 2500 شاعالانىڭ ءولۋ دەرەگى انىقتالدى. ونىڭ ىشىندە 1000 «چەگراۆا»، 1 200 «قارا باس وگىزشاعالا»، 300 «وگىزشاعالا» تۇقىمدى قۇس قىرىلعان»، دەپ ءمالىم ەتتى وبلىستىق اكىمدىكتىڭ ءباسپاسوز قىزمەتىنەن.

«اقجايىق» مەملەكەتتىك تابيعي رەزەرۆاتىنىڭ اۋماعىندا ولگەن قۇستاردىڭ ءولۋ سەبەبىن انىقتاۋ ءۇشىن بيوماتەريالدار الىندى. بيوماتەريالدار الماتى قالاسىنداعى ميكروبيولوگيا جانە ۆيرۋسولوگيا ينستيتۋتىنا جىبەرىلدى. قۇستاردىڭ قىرىلۋ سەبەبى سىنامالار قورىتىندىسى شىققاننان كەيىن قوسىمشا حابارلانادى. قازىر اتىراۋ وبلىسىنىڭ اۋماعىندا قۇستاردىڭ جاعدايىنا تولىق مونيتورينگ جۇرگىزىلىپ جاتىر»، دەپ حابارلادى اكىمدىكتىڭ ءباسپاسوز قىزمەتى.

ەسكە سالا كەتەيىك، بۇعان دەيىن «اقجايىق» مەملەكەتتىك تابيعي رەزەرۆاتىنىڭ اۋماعىندا قۇستار قىرىلىپ جاتقانى حابارلانعان ەدى.

 

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار