قوعام • 29 ماۋسىم، 2022

قازاقستان سىرتقى ساۋدانىڭ 40 پايىزىن ەۋروپالىق وداقپەن جاسايدى

17 رەت كورسەتىلدى

ەۋروپالىق وداق قازاقستان ازاماتتارى مەن مەملەكەت اراسىنداعى ءوزارا قارىم-قاتىناستىڭ تسيفرلىق دەڭگەيگە تولىقتاي كوشۋىن قولدايدى. بۇل تۋرالى ەۋروپا وداعىنىڭ قازاقستانداعى ارىپتەستىك وكىلدىگىنىڭ باسشىسى يوحاننەس ستەنبەك ايتتى، دەپ حابارلايدى Egemen.kz.

ورتالىق ازياداعى ەۋرازيا قورى ەۋروپالىق وداقتىڭ قولداۋىمەن ء«سىزدىڭ داۋسىڭىز ماڭىزدى. تەحنولوگيا ارقىلى ازاماتتاردىڭ شەشىم شىعارۋعا قاتىسۋى» اتتى جوبانى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىمەن بىرگە ىسكە اسىرىپ جاتىر. وسى جۇمىستىڭ بارىسى ءباسپاسوز بريفينگىندە تالقىلانىپ، 20-35 ارالىعىنداعى جاستار مەن جاسى 20-دان اسقان ايەلدەردىڭ ازاماتتىق تەحنولوگياداعى تاجىريبەسى تۋرالى مالىمەت بەرىلدى.

«ەۋروپالىق وداق توقسانىنشى جىلداردان بەرى قازاقستاننىڭ جاقىن ارىپتەسى بولىپ كەلەدى. بۇگىندە ەۋروپالىق وداق قازاقستاننىڭ ءىرى ينۆەستورى ءارى نەگىزگى ساۋدا سەرىكتەسى سانالادى. قازاقستاننىڭ سىرتقى ساۋداسىنىڭ 40 پايىزى ەۋروپالىق وداققا تيەسىلى»، دەدى ۇيىم وكىلى.

ونىڭ ايتۋىنشا، قازاقستان كەيىنگى 30 جىلدا ءتۇرلى وزگەرىستەردى باستان وتكەرگەن.

«ەۋروپالىق وداق ورتالىق ازيانىڭ وزگە ەلدەرىمەن بىرگە ارەكەت ەتۋ ىسىندە قازاقستانمەن جاڭاشا تاسىلدەر ارقىلى جۇمىس ىستەي الادى. ءبىزدىڭ قارىم-قاتىناسىمىز قازىرگى كەزەڭدە كەڭەيتىلگەن ارىپتەستىك پەن سەرىكتەستىك كەلىسىمىنە نەگىزدەلگەن. ول كەلىسىم 2020 جىلى زاڭدى كۇشىنە ەنگەن. قۇجات 29 ساياسي باعىتتى قامتيدى. ونىڭ ىشىندە ساياسي ديالوگ، دەموكراتيا، ادام قۇقىقتارى، قوعامدى اقپاراتتاندىرۋ، ەكونوميكانى ورنىقتى دامىتۋ سياقتى باعىتتار بار»، دەدى يوحاننەس ستەنبەك.

سونداي-اق ول ەۋروپالىق وداق قازاقستاننىڭ تسيرفلىق رەفورمالار مەن تسيفرلىق ترانسفورماتسيا باعىتىنداعى باستامالارىن قولدايتىنىن ايتتى.

«جاڭا قازاقستاندى ازاماتتىق قوعامى كۇشتى ءتيىمدى مەملەكەت ەتىپ قۇرۋ ءۇشىن جاستار مەن ايەلدەردىڭ مۇمكىندىكتەرىن كەڭەيتۋ قاجەت. ولاردىڭ قولىندا ازاماتتىق تەحنولوگيالار، ءتيىستى ءبىلىم مەن تسيفرلىق قابىلەت بولسا، ناعىز كوشباسشىعا اينالا الادى. بۇل جوبانى ىسكە اسىرا وتىرىپ ءبىز قازاقستانعا زاماناۋي مەملەكەت قۇرۋ ماسەلەسىندە كومەكتەسەمىز. قازاقستانداعى قاڭتار وقيعاسى ساياسي رەفورمانى شۇعىل ارادا جالعاستىرۋ قاجەتتىگىن كورسەتتى. بيلىك «حالىق ۇنىنە قۇلاق اساتىن مەملەكەت» تۇجىرىمداماسىن تولىق كولەمدە ىسكە اسىرۋى كەرەك. ءبىز قازاقستان پرەزيدەنتىنىڭ دەموكراتيالاندىرۋ مەن ورتالىقسىزداندىرۋعا باعىتتالعان رەفورمالار پاكەتىن باستاما ەتىپ كوتەرگەن ۇندەۋىن جىلى قابىلداپ وتىرمىز»، دەدى سپيكەر.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار