ايماقتار • 29 ماۋسىم، 2022

سقو-دا بيىل العاش رەت كوكجوتەل اۋرۋى تىركەلدى

16 رەت كورسەتىلدى

سولتۇستىك قازاقستان وبلىسىندا سابيگە كوكجوتەل دياگنوزى قويىلدى. وڭىردە بۇل بيىل تىركەلگەن العاشقى جاعداي، دەپ حابارلايدى Egemen.kz.

سقو سانيتاريالىق-ەپيدەميولوگيالىق باقىلاۋ دەپارتامەنتى ءباسپاسوز قىزمەتىنىڭ مالىمەتىنشە، وبلىستا كوكجوتەلمەن اۋىرۋدىڭ العاشقى جاعدايى تىركەلدى. ينفەكتسيالىق اۋرۋ 3 جاس 8 ايلىق بالادا انىقتالعان. ءسابيدىڭ اتا-اناسى كوكجوتەلگە قارسى ەكپە الۋدان باس تارتقان ەكەن.

«كوكجوتەل - بۇل كوبىنەسە بالالار اۋىراتىن جانە بەلگىلى ءبىر كلينيكالىق كورىنىسى مەن بەلگىلەرى بار ينفەكتسيالىق اۋرۋ. كوكجوتەلدىڭ ەرەكشەلىگى - تىنىس الۋ فۋنكتسياسى بۇزىلىپ، اۋرۋ ورشىگەن كەزدە تىنىس الۋ جولدارىنىڭ شىرىشتى قاباتتارى زاقىمدانادى. اسقىنۋلار ەكى جاسقا دەيىنگى سابيلەر مەن قارتتارعا ءتان. الايدا، كەز-كەلگەن جاستا اۋرۋ ءال-اۋقاتتى ەداۋىر ناشارلاتۋى مۇمكىن، سوندىقتان كوكجوتەل بەلگىلەرى مەن ينفەكتسيانىڭ الدىن-الۋ ادىستەرىن ءبىلۋ كەرەك»، دەيدى دەپارتامەنتتىڭ ينفەكتسيالىق جانە پارازيتتىك اۋرۋلاردى ەپيدەميولوگيالىق باقىلاۋ ءبولىمىنىڭ باسشىسى سالتانات بەكقوجينا.

ماماننىڭ ايتۋىنشا، كوكجوتەلدىڭ بەلگىلەرى جوعارعى تىنىس جولدارىنىڭ باكتەريالىق ينفەكتسياسىنا ۇقساس، ياعني دەنە قىزۋى +38°س-قا دەيىن كوتەرىلەدى، ادام قالتىراپ، السىزدىك، بۇلشىقەتتەردەگى «اۋرۋ»، باس اۋرۋى پايدا بولادى. مۇرىننان سۋ اعىپ، بىتەلەدى، قۇرعاق جوتەل مازانى الادى.

«ينفەكتسيا اۋىرعان اداممەن تىعىز بايلانىستا بولعان كەزدە اۋا-تامشى جولىمەن جۇعادى. اۋرۋ ادام 30 كۇن بويى ينفەكتسيانى تاراتا الادى. كوكجوتەلگە قارسى نەگىزگى الدىن الۋ شاراسى ۆاكتسيناتسيا. ۇلتتىق ۆاكتسيناتسيا كۇنتىزبەسىنە سايكەس، سابيلەرگە قويىلاتىن العاشقى ۆاكتسينالاردىڭ ءبىرى – Aكدس بالالاردى 3 اۋرۋدان: ديفتەريا، سىرەسپە جانە كوكجوتەلدەن قورعايدى. كوكجوتەلدەن ماكسيمالدى قورعاۋ ءۇشىن سابيلەرگە 3 ۆاكتسينا سالىنۋى كەرەك. العاشقىسى ەكى ايدان اسقاسىن قويىلسا، كەلەسى ۆاكتسيناتسيا 4 ايدا، ال ءۇشىنشىسى ءبىر جارىم جاستا جۇرگىزىلەدى»، دەيدى سالتانات بەكقوجينا.

بىلتىر سقو-دا كوكجوتەلمەن اۋىرۋ جاعدايى تىركەلمەسە، 2020 جىلى 15 ادامعا وسى دياگنوز قويىلعان. اۋرۋدىڭ ءوسۋىنىڭ نەگىزگى سەبەبى - اتا-انالاردىڭ ۆاكتسيناتسيادان باس تارتۋى.

ايانا توعانبەك

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار