قوعام • 29 ماۋسىم، 2022

قازاقستان 80 مىڭ كيىكتى اتاتىن بولدى

3316 رەت كورسەتىلدى

ەكولوگيا، گەولوگيا جانە تابيعي رەسرۋستار ءمينيسترى سەرىكقالي برەكەشەۆ جايىق پوپۋلياتسياسىنا جاتاتىن 80 مىڭ باس كيىكتى اتۋ تۋرالى شەشىم قابىلدانعانىن ايتتى، دەپ حابارلايدى Egemen.kz.

«بيولوگيالىق نەگىزدەمە اياقتالدى. عالىمدار كيىك سانىن رەتتەۋدىڭ قاجەتتىلىگى بار دەگەندى ايتىپ وتىر. بۇل جايىق پوپۋلياتسياسىنا قاتىستى بولادى. قازىر بۇل پوپۋلياتسيانىڭ سانى 800 مىڭ باستان اسادى دەسەك، سونىڭ 10 پايىزى، ياعني 80 مىڭ باس كيىك رەتتەۋگە جاتادى»، دەپ جاۋاپ بەردى ءماجىلىستىڭ پلەنارلىق وتىرىسىنان كەيىن باق وكىلدەرىنىڭ قويعان ساۋالىنا.

جۋرناليستەرگە بەرگەن جاۋابىندا سەرىكقالي برەكەشەۆ كيىك سانىن رەتتەۋ دەپ اتۋ شاراسى ايتىلىپ تۇرعانىن ناقتىلادى.

سونداي-اق ول كيىك سانىن رەتتەۋ شارالارى پوپۋلياتسيالاردىڭ سانىن شەكتەپ ۇستاۋ دەگەندى بىلدىرمەيتىنىن ەسكەرتتى.

«ونىڭ ىشىندە كەيبىر پوپۋلياتسيالاردىڭ سانىن كوبەيتۋ شارالارى دا كوزدەلگەن. رەتتەۋ دەگەن كيىك سانىن ۇستاپ تۇرۋ ەكەنىن قايتالاپ ايتامىن. رەتتەۋ دەگەننەن كەيىن بەلگىلى ءبىر نورمالار بار ەكەنى تۇسىنىكتى. بۇل قاجەت شارا. اۋىل شارۋاشىلىعى جانۋارلارىمەن قايشىلىقتار بولماۋ ءۇشىن وسىلاي ىستەۋ كەرەك. بۇگىنگى تاڭدا باتىس قازاقستان وبلىسىندا كيىكتەر جايىلىمدارعا عانا ەمەس، ەگىن القاپتارىنا دا كىرىپ جاتىر. سوندىقتان ءبىر جاعىنان پروبلەما دا بار. ءتىپتى بيولوگيالىق نەگىزدەمە بويىنشا كيىكتەردىڭ وڭتايلى سانى ەمىن-ەركىن تىرلىك كەشە الاتىن كولەمگە جەتۋى كەرەك. وسى نەگىزدەمەلەردىڭ اياسىندا رەتتەۋ ىسكە اسادى. بۇگىنگى تاڭدا ءبىز 500-گە دەيىن كيىكتى زەرتتەۋ ءۇشىن الامىز»، دەدى ۆەدومستۆو باسشىسى.

ايانا توعانبەك

سوڭعى جاڭالىقتار

تاۋلى قاراباقتاعى قاقتىعىس

الەم • 07 تامىز، 2022

اۋەزوۆ جانە تۇركى الەمى

رۋحانيات • 07 تامىز، 2022

اسكەردەگى الىمجەتتىك

قوعام • 07 تامىز، 2022

يدەولوگيا

رۋحانيات • 07 تامىز، 2022

مەيىرىم مەن قاتىگەزدىك

رۋحانيات • 07 تامىز، 2022

ەسكى مەن جاڭا اراسى

رۋحانيات • 07 تامىز، 2022

بي پاديشاسى

رۋحانيات • 07 تامىز، 2022

ساپا قايتسە جاقسارادى؟

قازاقستان • 07 تامىز، 2022

قايىرىمدىلىقتىڭ ۇلگىسى

قازاقستان • 07 تامىز، 2022

ساق ءداۋىرىنىڭ تاسى

تانىم • 07 تامىز، 2022

ۇقساس جاڭالىقتار