الەم • 28 ماۋسىم، 2022

قىرعىز سوتى المازبەك اتامباەۆتى كىناسىز دەپ تانىدى

18 رەت كورسەتىلدى

سوت بارلىق ايىپتالۋشىلاردى 2020 جىلدىڭ قازان ايىندا تارتىپسىزدىكتەردى ۇيىمداستىرۋ ىسىندە قىلمىس قۇرامىنىڭ بولماۋىنا بايلانىستى اقتادى. مۇنداي شەشىم بۇگىن قىرعىزستان استاناسىنىڭ پەرۆوماي اۋداندىق سوتىندا وتكەن وتىرىستا شىعارىلدى، دەپ حابارلايدى Egemen.kz كابار اگەنتتىگىنە سىلتەمە جاساپ. 

بۇعان دەيىن مەملەكەتتىك ايىپتاۋشى تاراپ كۇدىكتىلەردى كىنالى دەپ تانۋدى سۇراعان ەدى.

پرەزيدەنت اپپاراتىنىڭ بۇرىعى باسشىسى فاريد نيازوۆ سوت زالىندا قاماۋدان بوساتىلدى. بۇرىنعى پرەزيدەنت المازبەك اتامباەۆ سوت زالىنان شىعارىلدى.

ەسكە سالا كەتسەك، 2020 جىلدىڭ 5-6 قازانىندا بىشكەكتە جوگوركۋ كەنەش دەپۋتاتتارىن سايلاۋ قورىتىندىلارىن بۇرمالاۋعا قارسى جاپپاي نارازىلىق شەرۋلەرى وتكەن بولاتىن. وسىدان كەيىن جاپپاي تارتىپسىزدىكتەر ورىن الىپ، سالدارىنان ازاماتتار زارداپ شەكتى.

كولونيالاردان بىرقاتار سوتتالعان ساياساتكەرلەر شىعارىلدى. ونىڭ ىشىندە ەكس-پرەزيدەنت المازبەك اتامباەۆ تا بار. ول قىلمىس سەركەسى ازيز باتۋكاەۆتى زاڭسىز بوستاندىققا جىبەرگەنى ءۇشىن 11 جىلعا سوتتالعان ەدى. كەيىن 2020 جىلدىڭ قازان ايىندا جاپپاي تارتىپسىزدىكتەر بويىنشا قىلمىستىق ءىس جۇرگىزۋ اياسىندا المازبەك اتامباەۆ، پرەزيدەنت اپپاراتىنىڭ بۇرىنعى باسشىسى فاريد نيازوۆ، مۇقك بۇرىنعى قىزمەتكەرى قانات ساعىمباەۆ، ءىىم باسشىسىنىڭ بۇرىنعى ورىنباسارى كۋرسان اسانوۆ، بەلسەندى تەمىرلان سۇلتانبەكوۆ جانە ساياساتكەر جەنيش مولدوكماتوۆ ۇستالعان.

سوڭعى جاڭالىقتار

ۇلىلار ۇندەستىگى

قازاقستان • كەشە

باعا باقىلانادى

قارجى • كەشە

مەيىرىم شۇعىلاسى

رۋحانيات • كەشە

تسيفرلى دامۋ: جاڭا بەتبۇرىس

تەحنولوگيا • كەشە

ماحاببات اۋەنى

ونەر • كەشە

ۇقساس جاڭالىقتار