قالالىق تۇرعىن ءۇي-كوممۋنالىق شارۋاشىلىعى, جولاۋشىلار كولىگى جانە اۆتوموبيل جولدارى ءبولىمىنىڭ مالىمەتىنشە, 27 ماۋسىمدا قاتتى جەلدىڭ سالدارىنان شاھار بويىنشا كوممۋنيكاتسيا سىمدارى ءۇزىلىپ, اعاشتار قۇلاعان.
گاگارين بۋلۆارى جانە وتەپوۆ كوشەلەرىندەگى ايالداما قۇلاپ, 10 جانە 12 جاستاعى ەكى قىز زارداپ شەكتى. ولار قالالىق اۋرۋحاناعا جەتكىزىلدى. دارىگەرلەر قاجەتتى مەديتسينالىق كومەك كورسەتۋدە.
«قالادا «تازا وسكەمەن» كاسىپورنىنىڭ ماماندارى جۇمىس ىستەپ جاتىر. 10 بريگادا ارنايى تەحنيكالارمەن جولداردى, كوشەلەردى تازارتتى. گاگارين بۋلۆارى ايالداماسىنىڭ پاۆيلونى «قازالەم» اتتى مەردىگەر كومپانيانىڭ كەپىلدىگىندە. وتەپوۆ ايالداماسىنا «تازا وسكەمەن» مەكەمەسى قىزمەت كورسەتەدى. وسى ەكى جاعداي بويىنشا جاۋاپتى ۇيىمداردىڭ كىناسى بار-جوقتىعىن انىقتاۋ ءۇشىن ىشكى اۋديت جۇرگىزىلەدى», دەلىنگەن حابارلامادا.
