اقتاۋ قالاسىندا وتكەن بايقاۋعا ەلىمىز وقۋشىلارىنان وزگە ازەربايجان, وزبەكستان, تۇرىكمەنستاننان 120-دان استام جوبا كەلىپ ءتۇستى. ولاردىڭ بارلىعى تابىستى ستارتاپتاردى قۇرۋعا جانە ىلگەرىلەتۋگە, سونداي-اق ستارتاپ مادەنيەتىن قالىپتاستىرۋعا, ينۆەستورلار تارتۋعا, زياتكەرلىك مەنشىكتى قورعاۋعا باعىتتالعان.
Dioth.tech جوباسىن قورعاپ, جەڭىسكە جەتكەن ارمان جالعاسباەۆ قازاقستان-بريتان تەحنيكالىق ۋنيۆەرسيتەتىنىڭ گرانتىن يەلەندى. مەكتەپ قابىرعاسىندا رەسپۋبليكالىق عىلىمي جوبالار بايقاۋى مەن فيزيكا ءپانى بويىنشا جەلىلىك وليمپيادالاردىڭ بىرنەشە دۇركىن جەڭىمپازى بولعان ارمان بيىل اقتوبەدەگى NIS-ءتىڭ ۇزدىك وقۋشىسى اتاندى.
تاۋاردىڭ تۇپنۇسقالىعىن تەكسەرەتىن سمارت جاپسىرما بويىنشا ارماننىڭ جاڭا ستارتاپى كەز كەلگەن برەندكە ءوز ونىمدەرىنىڭ بىرەگەيلىگىن انىقتاۋعا كومەكتەسىپ, تۇتىنۋشىمەن جەدەل بايلانىس ورناتۋعا مۇمكىندىك بەرەدى. «ەندى تاۋاردىڭ تۇپنۇسقالىعىن كوپ كۇش جۇمساماي-اق بىرنەشە سەكۋندتا تەكسەرۋگە بولادى.
وقۋشى بۇل ماسەلەنىڭ ەكولوگيالىق جاعى بار ەكەندىگىن دە جەتكىزدى. ويتكەنى جاھاندىق شىعارىندىلاردىڭ 8 پايىزى كيىم ءوندىرىسىنىڭ قالدىقتارىنان تۇزىلەدى. وندىرىلەتىن كيىمنىڭ باسىم بولىگى كونترافاكتىلىك ەكەنىن ەسكەرە وتىرىپ, جالعان بۇيىمداردى جاپپاي ءوندىرۋ ماسەلەسىن شەشۋ پلانەتامىزدى كومىرتەگىنىڭ ۇلكەن شىعارىندىلارىنان جانە اۋانىڭ لاستانۋىنان قۇتقارا الادى. ايتا كەتۋ كەرەك, 2020 جىلى ءسان يندۋسترياسى جالعان تاۋارلاردى ساتۋ سالدارىنان 50 ميلليارد دوللاردان استام شىعىنعا ۇشىرادى.
Caspian Startup-2022 بايقاۋىندا «بولاشاقتىڭ مەكتەبى», «الەۋمەتتىك ماسەلەلەردى شەشۋ», «تۋريزم» باعىتتارى بويىنشا تابىستى ءومىر ءسۇرۋدى قامتاماسىز ەتەتىن IT-ستارتاپتاردى ۇسىندى. ەڭ مىقتى اۆتورلار بيزنەس, ءبىلىم بەرۋ, مەديتسينا, IT جانە باسقا دا سالا كاسىپقويلارىنان ىرىكتەلگەن بەدەلدى قازىلار القاسىنىڭ الدىندا ءوز جوبالارىن قورعادى.
اقتوبە وبلىسى
