31-ءنشى مارتە ۇيىمداستىرىلىپ وتىرعان ءدۇبىرلى دودادا 15-24 شىلدە ارالىعىندا اقش-تىڭ يۋدجين قالاسىندا وتەتىن الەم چەمپيوناتىنىڭ جولدامالارى ساراپقا سالىندى. سول سەبەپتى جاپونيا, قاتار, مالايزيا, تايلاند, تۋنيس, ءۇندىستان, ۋكراينا, پاكىستان, اۋستراليا, تۇرىكمەنستان, قىرعىزستان, تاجىكستان جانە وزبەكستان سەكىلدى مەملەكەتتەر وزدەرىنىڭ بىرقاتار بەلدى سپورتشىسىن الاتاۋ باۋرايىنا اتتاندىردى. اسىرەسە ءۇندى ەلىنىڭ قىزدارى اتالعان جارىسقا وتە كەرەمەت دايارلىقپەن كەلگەندىگىن بايقادىق. ولاردىڭ اراسىنان ناۆدجيت دحيللون (ديسك لاقتىرۋ), ابحا حاتۋا (يادرو لاقتىرۋ), چاندا (1500 مەترگە جۇگىرۋ), كيران (400 مەترگە جۇگىرۋ), ساريتا روميت سينگح (بالعا لاقتىرۋ), انسۋ سويان (ۇزىندىققا سەكىرۋ), اننۋ راني (نايزا لاقتىرۋ) جانە دانالاكسمي سەكار (200 مەترگە جۇگىرۋ) سىندى جەڭىل اتلەتتەرى الدارىنا جان سالمادى.
جەرلەستەرىمىزدىڭ اراسىنان ماريا ەفرەموۆا ء(ۇش قارعىپ سەكىرۋ), ولگا سافرونوۆا (100 مەترگە جۇگىرۋ), كريستينا وۆچيننيكوۆا (بيىكتىككە سەكىرۋ) جانە اناستاسيا ەرماكوۆا (سىرىقپەن سەكىرۋ) اسقان شەبەرلىك تانىتىپ, التىننان القا تاقتى.
