ماۋلەن اشىمباەۆ كەلەسى جىلى تۇركسوي-دىڭ قۇرىلعانىنا 30 جىل تولاتىنىن, وسى جىلدار ىشىندە ۇيىمنىڭ ۇيىتقى بولۋىمەن تۇركى الەمىنىڭ ىنتىماقتاستىعىن ارتتىرۋعا ارنالعان ماڭىزدى ءىس-شارالار مەن جوبالار ىسكە اسىرىلعانىن ايتتى.
«تۇركى مەملەكەتتەرىنىڭ مادەني-گۋمانيتارلىق بايلانىسىن ارتتىرۋ تۇرعىسىنان تۇركسوي-دىڭ ماڭىزى زور. سوڭعى جىلداردا تۇركى الەمى ەلدەرىنىڭ ىنتىماقتاستىعى جاڭا دەڭگەيگە كوتەرىلدى. بۇل رەتتە ءبىزدىڭ مەملەكەت باسشىلارىمىز قابىلداعان شەشىمدەردىڭ ىقپالى مول ەكەنىن اتاپ وتكەن ءجون. وسىنداي جوعارى دەڭگەيدە قول جەتكىزىلگەن ۋاعدالاستىقتاردى ىسكە اسىرۋعا تۇركى ەلدەرىنىڭ پارلامەنتتەرى دە ۇلكەن ۇلەس قوسىپ كەلەدى. سوندىقتان ءبىز پارلامەنتارالىق ءىس-شارالار مەن كەزدەسۋلەر كەزىندە مادەنيەت جانە ونەر سالاسىنداعى ماسەلەلەرگە باسا ءمان بەرەمىز», دەدى ماۋلەن اشىمباەۆ.
سونىمەن قاتار سەنات توراعاسى الداعى قىركۇيەك ايىندا وتەتىن الەمدىك جانە ءداستۇرلى دىندەر ليدەرلەرىنىڭ VII سەزى تۋرالى ءسوز قوزعادى. ونىڭ ايتۋىنشا, بۇل فورۋم ءتۇرلى ءدىن وكىلدەرى اراسىندا ءتيىمدى ءوزارا بايلانىس ورناتۋعا جانە ىنتىماقتاستىقتى نىعايتۋعا ىقپال ەتەدى.
ماۋلەن اشىمباەۆ سەزد حاتشىلىعىنىڭ باسشىسى رەتىندە سۇلتان راەۆتى اتالعان ءدىني فورۋمعا قاتىسۋعا شاقىردى.
ءوز كەزەگىندە, تۇركسوي-دىڭ باس حاتشىسى تۇركى الەمىنە ورتاق كورنەكتى تۇلعالار مەن جازۋشىلاردىڭ مەرەيتويلارىنا قاتىستى جوسپارلانعان ءىس-شارالار تۋرالى ايتتى. سونداي-اق ول تۇركىستان قالاسىنىڭ تۇركى الەمىنىڭ استاناسى رەتىندەگى ءرولىن كۇشەيتۋدىڭ ماڭىزىنا توقتالدى.
كەزدەسۋ سوڭىندا ماۋلەن اشىمباەۆ قازاقستان پارلامەنتىنىڭ سەناتى ۇيىم اياسىندا تۇركى مەملەكەتتەرى اراسىنداعى مادەني ىنتىماقتاستىقتى ودان ءارىن نىعايتۋ ءۇشىن بەلسەندى جۇمىس ىستەۋگە دايىن ەكەنىن جەتكىزدى.
