«ۇيىمداستىرۋشىلار ازاماتتارعا سىياقى الۋعا كەپىلدىك بەرگەن اففيليرلەنگەن كومپانيالاردىڭ ينۆەستيتسيالىق جوبالارىنا اقشا سالۋدى ۇسىنعان. وسىلايشا 2018-2021 جىلدار ارالىعىندا WBC قارجى پيراميداسىنا 5,8 ملرد تەڭگە زاڭسىز تارتىلعان. سوتقا دەيىنگى تەرگەۋ بارىسىندا جالپى سوماسى 4,1 ملرد تەڭگەنىڭ مۇلكى تاركىلەندى», دەلىنگەن ۆەدومستۆو حابارلاماسىندا.
سوت ۇكىمىمەن قارجى پيراميداسىنىڭ باسشىلارىنا 5-تەن 6, 8 جىلعا دەيىن باس بوستاندىعىنان ايىرۋ جازاسى تاعايىندالدى.
تاعى بەس ۇيىمداستىرۋشىعا حالىقارالىق ىزدەۋگە جاريالاندى.
ايتا كەتەيىك, World Business Consulting قارجى پيراميداسىن قۇرۋ جانە وعان باسشىلىق ەتۋ فاكتىسى بويىنشا بىرقاتار تۇلعالارعا قاتىستى سوتقا دەيىنگى تەرگەۋ 2021 جىلدىڭ شىلدە ايىندا باستالعان بولاتىن.
فينپيراميدانىڭ ديرەكتورى جەمىس جۇگىنباەۆا 2022 جىلدىڭ 3 ناۋرىزىندا ۇستالدى.
