اقمولا وبلىسى توتەنشە جاعدايلار دەپارتامەنتى ءباسپاسوز قىزمەتىنىڭ حابارلاۋىنشا, جاقىن جەردە بولعان ادامدار قىزداردى قۇتقارىپ قالۋ ءۇشىن سۋعا سەكىرگەن.
«قۇتقارۋشىلار وقيعا ورنىنا جەتكەننەن كەيىن ەكى قىزدىڭ تەز ارادا قۇتقارىلعانى تۋرالى بەلگىلى بولدى. 2008 جىلى تۋعان ءۇشىنشى قىز بىرنەشە مينۋت سۋعا تۇنشىعىپ قالعان. ءجاسوسپىرىمدى جاعاعا الىپ شىققان كەزدە ول ەس-ءتۇسسىز جاتقان», دەپ حابارلادى اقمولا وبلىسى توتەنشە جاعدايلار دەپارتامەنتىنىڭ ءباسپاسوز قىزمەتى.
كول جاعاسىندا دەمالىپ جاتقانداردىڭ ءبىرى زارداپ شەككەن قىزعا العاشقى مەديتسينالىق كومەك كورسەتىپ, ونى بۇيىرمەن جاتقىزعان. قىزدىڭ تامىر سوعىسى ءالسىز بولعان. قۇتقارۋشىلار وعان مەديتسينالىق كومەك كورسەتۋدى جالعاستىرىپ, زەمبىلمەن جەدەل جاردەم كولىگىنە جەتكىزدى.
زارداپ شەككەن قىز «وكپە ءىسىنۋى» دياگنوزىمەن جانساقتاۋ بولىمىندە جاتىر.
اقمولا وبلىسىنىڭ توتەنشە جاعدايلار دەپارتامەنتى سۋعا شومىلۋ كەزىندە قاراپايىم قاۋىپسىزدىك ەرەجەلەرىن ساقتاۋ قاجەتتىگى تۋرالى ەسكە سالدى.
ايانا توعانبەك
