قر ۇلتتىق بانكىنىڭ مونەتارلىق وپەراتسيالار دەپارتامەنتى ديرەكتورىنىڭ ورىنباسارى يۆان سەرديۋكتىڭ پىكىرىنشە, ءرۋبلدىڭ شەتەل ۆاليۋتالارىنا, ونىڭ ىشىندە اقش دوللارىنا قاتىستى نىعايۋى يمپورتتىڭ تومەندەۋىمەن جانە كاپيتال قوزعالىسىن باقىلاۋ باعىتىندا ەنگىزىلگەن شارالارمەن بايلانىستى.
«ماۋسىم ايىنىڭ باسىنان باستاپ رۋبل دوللارعا قاتىستى شامامەن 15%-عا نىعايدى. رۋبل/تەڭگە باعامىن بەلگىلەۋدە ەڭ الدىمەن تەڭگە مەن ءرۋبلدىڭ دوللارعا قاتىستى جەكە قالاي ارەكەت ەتەتىنى ىقپال ەتكەنىن اتاپ وتكىم كەلەدى. رۋبل الەمدىك نارىقتا دوللارعا قاتىستى نىعايىپ كەلەدى, سوندىقتان رۋبل/تەڭگە باعامىنىڭ ءوسۋى جالعاسۋدا», دەيدى ۇلتتىق بانك وكىلى.
