سپورت • 24 ماۋسىم، 2022

جەتى جاسار قازاقستاندىق شاحماتشى فيدە-ءنىڭ الەم چەمپيونى اتاندى

48 رەت كورسەتىلدى

10-19 ماۋسىم ارالىعىندا پاناما استاناسىندا مەكتەپ وقۋشىلارى اراسىندا شاحماتتان الەم چەمپيوناتى ءوتتى. وندا جەتى جاسار وتانداسىمىز ماليكا زيادين چەمپيون اتاندى، دەپ حابارلايدى Egemen.kz.

جانسايا ابدىمالىكتىڭ شاحمات اكادەمياسىندا ءبىلىم الىپ جاتقان جاس شاحماتشى بىردەن ەكى اتاققا يە بولدى: چەمپيون جانە جەتى جاسقا دەيىنگى جاس ساناتىندا شاحماتتان الەم چەمپيونى. بۇل قازاقستاندىق شاحمات تاريحىنداعى العاشقى جاعداي.

تۋرنيرگە بارلىعى 36 جاس شاحماتشى قاتىسىپ، ءار سپورتشى توعىز پارتيانى ورىندادى. چەمپيوناتتىڭ قورىتىندىسى بويىنشا ماليكا بارلىق پارتيالاردى جەڭىپ، ەڭ كوپ ۇپاي جينادى.

«ماليكانىڭ جەڭىسى – بۇرىن-سوڭدى بولماعان وقيعا، ويتكەنى قازاقستان تاريحىندا مۇنداي وقيعا بولعان جوق. ماليكانى، اتا-انالار مەن جاتتىقتىرۋشىلاردى وسىنداي كەرەمەت جەتىستىكپەن قۇتتىقتاعىم كەلەدى. وتانداستارىمىزدىڭ ءاربىر جەڭىسى مەن ءۇشىن شاحماتتى ودان ءارى دامىتۋعا جانە جاستاردى حالىقارالىق دەڭگەيگە شىعارۋعا ىنتالاندىرادى، ويتكەنى بۇل ءۇشىن زور الەۋەت بار»، دەدى قازاقستاندىق شاحماتشى جانە حالىقارالىق گروسسمەيستەر جانسايا ابدىمالىك.

جارىس ەكى سەكتسيادا (ۇلدار مەن قىزدار) جانە التى جاس ساناتىندا وتكىزىلدى. چەمپيوناتقا بارلىعى 600-گە جۋىق شاحماتشى قاتىستى.

«قازاقستان شاحمات فەدەراتسياسى جىل سايىن ەلىمىزدە شاحماتتى دامىتۋ ءۇشىن بارلىق كۇش-جىگەرىن سالۋدا جانە ماليكانىڭ جەڭىسى بۇعان مىسال بولا الادى. مەن وسكەلەڭ ۇرپاقتى ماقتان تۇتامىن جانە قازاقستان شاحمات فەدەراتسياسىنىڭ پرەزيدەنتى رەتىندە سپورتتىڭ وسى ءتۇرىن دامىتۋ جانە كوپشىلىككە ناسيحاتتاۋ ءۇشىن كەز كەلگەن باستامانى قولداۋعا دايىنمىن»، دەدى قازاقستان شاحمات فەدەراتسياسىنىڭ پرەزيدەنتى عالىم حۋساينوۆ.

سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار