«استانا – جاڭا قالا» اەا يندۋستريالىق پاركى اۋماعىندا ورنالاسقان جوبانىڭ جالپى قۇنى 8,8 ملرد تەڭگەنى قۇرايدى.
العاشقى كەزەڭدە كاسىپورىندا جىلىنا 11 800 بىرلىك ارنايى تەحنيكانىڭ بولشەكتەرىن قۇراستىرۋ, سىرلاۋ جانە دانەكەرلەۋ جۇمىستارى جۇرگىزىلدى. ال ەكىنشى كەزەڭ تولىق ىسكە قوسىلعاندا جىلىنا 10 مىڭ تولىققاندى دايىن جۇك جانە مامانداندىرىلعان تەحنيكا شىعارۋ كوزدەلىپ وتىر.
شەتەلدىك ينۆەستيتسيا تارتۋ ارقىلى ىسكە قوسىلعان زاۋىت 250-گە جۋىق ادامدى جۇمىسپەن قامتىپ وتىر. قر يدم باسشىسى كاسىپورىن ىشكى نارىقتى ارنايى تەحنيكامەن تولىققاندى قامتاماسىز ەتىپ قانا قويماي, ەكسپورتقا شىعارىلاتىن ءونىم كولەمىنىڭ ارتۋىنا دا ەلەۋلى ۇلەس قوساتىنىن اتاپ ءوتتى.
2021-2025 جىلدارى جۇزەگە اسىرىلاتىن جوبانىڭ قازىرگى تاڭدا ەكىنشى كەزەڭىن ىسكە قوسۋعا دايىندىق جۇمىستارى جۇرگىزىلۋدە.
ايتا كەتەيىك, زاۋىتتا كولىك قۇرالدارىن دانەكەرلەۋ, بوياۋ جانە قۇراستىرۋ جۇمىستارى جۇرگىزىلەدى. سونىمەن قاتار ارنايى مامانداندىرىلعان تەحنيكالاردىڭ تەستىك سىنامالارى دا جيناقتالادى.
