پرەزيدەنت • 24 ماۋسىم، 2022

پرەزيدەنت ەقىۇ-نىڭ ادام قۇقىقتارى جونىندەگى بيۋرو ديرەكتورىن قابىلدادى

34 رەت كورسەتىلدى

پرەزيدەنت قاسىم-جومارت توقاەۆ ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋرو ديرەكتورى ماتەو مەكاچچيدى قابىلدادى، دەپ حابارلايدى Egemen.kz.

قاسىم-جومارت توقاەۆ ماتەو مەكاچچيگە ءىلتيپات بىلدىرە وتىرىپ، ونىڭ بۇل ساپارى ەۋروپاداعى قاۋىپسىزدىك جانە ىنتىماقتاستىق ۇيىمىمەن اراداعى قارىم-قاتىناستى نىعايتۋ تۇرعىسىنان ماڭىزدى ەكەنىن اتاپ ءوتتى.

كەزدەسۋدە قازاقستان مەن ەقىۇ دەموكراتيالىق ينستيتۋتتار جانە ادام قۇقىقتارى جونىندەگى بيۋرو اراسىنداعى دەموكراتيانى دامىتۋ، ادام قۇقىقتارى مەن زاڭ ۇستەمدىگىن قامتاماسىز ەتۋ سالاسىنداعى ىنتىماقتاستىقتىڭ جاعدايى مەن ونى دامىتۋ پەرسپەكتيۆالارى تالقىلاندى.

پرەزيدەنت قازاقستان رەسپۋبليكاسىنداعى ادام قۇقىقتارى جونىندەگى ۋاكىل مەن بيۋرو اراسىندا قول قويىلعان ءوزارا تۇسىنىستىك جونىندەگى مەموراندۋمدى قولدادى. ونىڭ ايتۋىنشا، بۇل قۇجات ەلىمىزدىڭ بيۋرومەن تىعىز سەرىكتەستىكتى دامىتۋعا دايىن ەكەنىن جانە ەقىۇ قۇندىلىقتارىنا بەيىلدىلىگىن راستايدى. قاسىم-جومارت توقاەۆ بيۋرو ديرەكتورىنا جاڭا قازاقستاندى قۇرۋعا باعىتتالعان اۋقىمدى رەفورمالاردىڭ نەگىزگى ماقساتتارى مەن مىندەتتەرى جونىندە ايتتى.

ماتەو مەكاچچي ەقىۇ پارلامەنتتىك اسسامبلەياسى اياسىندا قاسىم-جومارت توقاەۆپەن قىزمەتتەس بولعان كەزەڭدى جانە بۇدان بۇرىن قازاقستانعا كەلگەن ساپارلارىن ىقىلاسپەن ەسكە الدى.

بيۋرو ديرەكتورى قازاقستانمەن اراداعى ىنتىماقتاستىقتى ودان ءارى نىعايتۋعا ءازىر ەكەنىن اتاپ ءوتىپ، ەلىمىزبەن ءوزارا بەلسەندى ءىس-قيمىلدىڭ دامۋ بارىسىنا كوڭىلى تولاتىنىن ايتتى.

سونداي-اق ول قاسىم-جومارت توقاەۆتىڭ باسشىلىعىمەن جۇزەگە اسىرىلىپ جاتقان اۋقىمدى رەفورمالاردى قولدايتىنىن جانە قازاقستان ەۋروپاداعى قاۋىپسىزدىك جانە ىنتىماقتاستىق ۇيىمىنىڭ ماڭىزدى سەرىكتەسى ەكەنىن اتاپ ءوتتى.

 

سوڭعى جاڭالىقتار

تاعى 1650 قازاقستاندىق ىندەت جۇقتىردى

كوروناۆيرۋس • بۇگىن، 09:00

سوفيادان ولجالى ورالدى

سپورت • بۇگىن، 08:40

جاس تەننيسشىلەر جارادى

تەننيس • بۇگىن، 08:32

تۇتىنۋشى قۇقىعىن قورعايدى

قازاقستان • بۇگىن، 08:27

ۇقساس جاڭالىقتار