قازاقستان رەسەي قور نارىعى ءۇشىن كوپىر بولا ما؟

قازىر قازاقستاندا بيرجا قۇرۋ يدەياسىن رف ورتالىق بانكى، سانكت-پەتەربۋرگ قور بيرجاسى جانە ءىرى بروكەرلەر ءوزارا تالقىلاپ جاتقان كورىنەدى. سانكت-پەتەر­بۋرگ قور بيرجاسى مەن Freedom Holding جوبانىڭ اكتسيونەرلەرى بولۋى مۇمكىن. قاتىسۋشىلار ىشىندە قازاقستان، قىتاي جانە اقش-تان دا ويىنشىلار بولماق. دەرەك كوزىمەن جاقىن تانىس ازاماتتاردىڭ ايتۋىنشا، بۇل يدەيانى رف ورتالىق بانكى قولداپ وتىر.

قازاقستاندىق قارجى ساراپشىسى ايبار ولجاي ەگەر رەسەيلىكتەر بولەك بيرجا اشپاي، احقو اياسىنداعى AIX بيرجاسىنا كىرەر بولسا، بۇل پروتسەسس قازاقستاندى تمد بويىنشا ەڭ ءىرى ينۆەس­تيتسيالىق ورتالىققا اينالدىراتىنىن جەتكىزدى.

«بۇل قازاقستانعا نە بەرەدى؟ ەڭ الدىمەن، احقو-نىڭ شىن مانىندە ءوز دامۋىندا جاقسى سەرپىن الاتىنىن ايتۋ كەرەك. «استانا» بيرجاسىنا حالىقارالىق كاپيتالدىڭ كەلۋى كوبەيەدى. ول تەك ىشكى ەميتەنتتەر ەمەس، قازاقستان اۋماعىنان تىس كومپانيالار مەن ينۆەستورلاردىڭ وسىندا جايعاسىپ، ءبىر-بىرىمەن ساۋدا جاسايتىن الاڭى بولماق. ءبىراز ۋاقىتتان كەيىن احقو-عا قاراستى AIX بيرجاسىندا شەتەلدىك كومپانيالاردىڭ IPO-سىن كورىپ قالۋىمىز مۇمكىن. بۇل – ەلىمىز ءۇشىن ۇلكەن وقيعا. الەمنىڭ قارجى ورتالىقتارى: باتىستا – نيۋ-يورك، لوندون، شىعىستا – شانحاي، توكيو، تاياۋ شىعىستا – دۋباي، ال تمد بويىنشا ەندى ماسكەۋ ەمەس، نۇر-سۇلتان بولىپ بەكىتىلەتىن سياقتى. قازىر Freedom Holding تاراپىنان رەسەيدەگى ينۆەستيتسيالىق وپەراتسيا­لاردى قازاقستانعا اۋىستىرۋ نيەتى باي­قالادى. تيمۋر تۋرلوۆ قازاقستاننىڭ رەسەيگە قاراعاندا ينۆەستيتسيالىق، رەت­تەۋشىلىك بولاشاعى مىقتى ەكەنىن بىلەدى، سوندىقتان ول بارلىق بيزنەسىن رەسەي­دەن بىزگە اۋىستىراتىنى انىق. ونى­مەن بىرگە، قازىر ماسكەۋ مەن سانكت-پەتەر­بۋرگتەگى قالعان كاپيتال مەن ينۆەس­تور­لار دا استانا جاقتى بەتكە الاتىنى ءسوز­سىز»، دەيدى ساراپشى.

جاڭا بيرجا رەسەيلىك قاتىسۋشىلار­عا قانداي مۇمكىندىكتەر سىيلايدى. تەلە­گرامداعى Bitkogan قور نارىعىنىڭ رەسەيلىك قاتىسۋشىلارى ءۇشىن پايدا بولاتىن يگىلىكتەردى بىلاي تىزبەلەيدى: بىرىنشىدەن، ولار ءۇشىن شەتەلدىك ەميتەنتتەر بويىنشا ساۋدانى قالپىنا كەلتىرۋ، ەۋرووبليگاتسيالاردى ورنا­لاستىرۋ جولىمەن ۆاليۋتالىق كاپيتال تارتۋ جانە پورتفەلدە تۇرىپ قالعان اكتسيالاردى ساتۋ مۇمكىندىگى پايدا بولادى. ەكىنشىدەن، بيرجادا ەش شەكتەۋسىز جانە بانكتەردىڭ شەكتەن تىس كوميسسياسىنسىز ۆاليۋتامەن وپەراتسيا جاساي الادى. رەسەيلىك بيزنەس كورشى ەلدىڭ بانكتەرى ارقىلى شەتەلدىك كونتراگەنتتەر قويعان شوتتار بويىنشا تولەم جاساپ، سىرتقى ساۋدا وپەراتسيالارىن جۇرگىزە الادى.

ودان كەيىنگى مۇمكىندىك – رەسەيلىك كومپانيالار قايتادان شەتەلدىك ينۆەستورلار ءۇشىن قىزىقتى بولا باستايدى. سانكتسيالىق قىسىم، لوگيستيكالىق تىزبەكتىڭ بۇزىلۋى جانە ينفلياتسيالىق قىسىمنىڭ ءوسۋى قور نارىعى مەن ينۆەس­تورلاردىڭ كوڭىل كۇيىنە بولىمسىز اسەر ەتە باستايدى. تيىسىنشە، اجەپتاۋىر كەش جيعان جانە سونىسىنا پەرس­پەكتيۆاسى بار اكتيۆتەر ساتىپ الۋعا قابىلەتتى ينۆەس­تورلار ورتاعا شىعا باستايدى. سونداي-اق قازاق بيرجاسى ارقىلى رەسەيلىك كوم­پانيالارعا قارجى قۇيۋ مۇمكىندىگى اشىلادى. اتاپ وتەرلىك ءتورتىنشى فاكتور – شەتەلدىك كليەنتتەر رەسەيلىك بيرجالىق تاۋار وندىرۋشىلەرمەن فيۋچەرس جانە وپتسيون تۇرىندە مامىلە جاساي الادى.

ء«بىر قاراعاندا يدەيانىڭ پەرسپەك­تيۆاسى وتە ۇلكەن. بىراق ەسكەرمەۋگە بول­مايتىن جايتتار دا بار. ۇسىنى­لىپ وتىرعان نۇسقا باتىس بيلىگى تاراپى­نان قارسىلىققا ۇشىراپ، سانكتسيا ەنگىزىلۋ قاۋپىنە بايلانىستى ىسكە اسپاي قالۋى ىقتيمال. يدەيانى جۇزەگە اسىرۋدىڭ «قوسىمشا اەرودرومى» – ءباا، بىراق ول رەتتە «دوس ەل ەمەس» تۇرىندەگى قيىن­دىق تۋىنداۋى مۇمكىن. يدەيا جۇزەگە اسا قالعان كۇندە رەسەيلىك ينۆەستورلار­دىڭ شەتەلدىك الاڭعا كىرۋىنە جانە شە­تەلدىك كاپيتالدىڭ رەسەيگە كەلۋىنە جاع­داي جاسايتىن ۋاقىتشا شارا بو­-
لادى»، دەپ جازادى كانال ساراپشىلارى.

رف ورتالىق بانكى جانىنداعى ەكس­پەرت­تىك كەڭەستىڭ مۇشەسى، تەلەگرامداعى InvestFuture كانالىنىڭ اۆتورى كيرا يۋحتەنكو ءوز الدىنا بولەك قۇرىلۋى مۇم­كىن بيرجانىڭ كەلەشەگىنە كۇمانمەن قارايدى.

«شەتەلدىكتەر رەسەيلىك كومپانيا­لارعا اقشا قۇيعىسى كەلە مە ءوزى؟ ما­سە­لە سوندا. اكتيۆتەردىڭ كەز كەلگەن ۋاقىت­تا بۇعاتتالىپ قالۋى ىقتيمال ەكە­نى بەيرەزيدەنتتەردىڭ ويىنان ءازىر شىق­پايدى. گەوساياسي جەڭىلدىكتىڭ وڭاي­شىلىقپەن جاسالا سالماسى دا بەلگىلى. رەسەيلىك ينۆەستورلاردىڭ قازاق­ستان­داعى بيرجا ارقىلى امەريكالىق جانە ەۋروپالىق قۇندى قاعازدارمەن ساۋدالاسۋ مۇمكىندىگى جايلى دا وسىلاي ايتامىز. ونداي جاعدايدا ەكىنشى قايتارا سانكتسيا سالۋ – ۋاقىتتىڭ ماسەلەسى. قىسقاشا، رەسەيلىكتەر ءۇشىن قازاقستاندا بيرجا اشۋ وتە كۇماندى ارەكەت. يدەيا اۆتورلارى سەبەپپەن ەمەس، سالدارمەن كۇرەسىپ الەك»، دەيدى ك.يۋحتەنكو.