ءدۇبىرلى دودا ۆەنگريا استاناسى بۋداپەشت قالاسىندا ءوتىپ جاتقان سۋ سپورتى تۇرلەرىنەن الەم چەمپيوناتى اياسىندا ۇيىمداستىرىلىپ جاتىر.
ەلىمىزدىڭ ايەلدەر قۇراماسى D توبىندا اۆستراليا, جاڭا زەلانديا جانە برازيليامەن شەبەرلىك بايقاسۋدا. بۇگىنگى كەزدەسۋدە قازاقستاندىق سپورتشىلار جيناقى قيمىل كورسەتتى.
ناتيجەسىندە قارسىلاسىن 10:6 ەسەبىمەن تىزە بۇكتىردى. بۇل توپتاعى اۆستراليا جاڭا زەلانديادان 11:2 ەسەبىمەن باسىم ءتۇستى.
قازاقستاندىق قىزدار العاشقى كەزدەسۋىندە اۆستراليادان 6:19 ەسەبىمەن جەڭىلىپ قالدى. ەندى ولار 24 ماۋسىمدا جاڭا زەلانديامەن وينايدى.
سونداي-اق, الەم چەمپيوناتىندا D توبىندا ەلىمىزدىڭ ەرلەر قۇراماسى اۆستراليا, سەربيا, اقش قۇرامالارى سىنعا ءتۇسىپ جاتىر.
جىگىتتەر العاشقى كەزدەسۋىندە اۆسترالياعا 4:10 ەسەبىمەن ەسە جىبەرىپ قويدى. ەندى ەل قۇراماسى 23 ماۋسىمدا اقش-پەن كەزدەسسە, 25 ماۋسىمدا سەربياعا قارسى شىعادى.
