مەملەكەتارالىق ىزدەۋدە جۇرگەن الاياق تۇزاققا ءتۇستى

قوستاناي وبلىسى بويىنشا قارجى پوليتسياسى دەپارتامەنتىنىڭ قىزمەتكەرلەرى جەدەل ىزدەستىرۋ شارالارىن جۇرگىزىپ, مارال  تاڭات­قانوۆ دەگەن ازاماتتى ۇستادى. ول الاياقتىق جاساۋىنا بايلانىستى ايىپتالىپ, مەملەكەتارالىق ىزدەۋدە جۇرگەن بولاتىن. مارال تاڭاتقانوۆ ءوزىنىڭ ءىنىسى جانار تاڭاتقانوۆپەن جانە بىرنەشە تۋىستارىمەن سىبايلاسا وتىرىپ, الاياقتىق جاساعان. ولار قالادا قينالىپ جۇرگەن تۇرعىنداردىڭ سەنىمىنە كىرىپ, الداپ, ولاردىڭ قوزعالمايتىن دۇنيە-مۇلكىن ءوزىنىڭ تۋىستارىنىڭ اتىنا جازىپ الا بەرگەن دە, شەتىنەن ساتا بەرگەن. سونىمەن قاتار, ولار الەۋمەتتىك تولەماقىلارمەن دە الاياقتىق جاسادى دەگەن كۇدىك بار. قازىر بۇل الاياق توپقا قىلمىستىق كودەكستىڭ ءتۇرلى باپتارى بويىنشا 10 قىلمىستىق ءىس قوزعالدى. تالايدى سان سوقتىرعان الاياقتار ءىسىن تەرگەۋ ءۇشىن قۇرامىندا پروكۋراتۋرا, ەكو­نوميكالىق قىلمىسقا جانە سىبايلاس جەم­قورلىققا قارسى كۇرەس دەپارتامەنتىنىڭ, ىشكى ىستەر دەپارتامەنتىنىڭ وكىلدەرى بار ار­نايى ۆەدومستۆوارالىق جەدەل تەرگەۋ توبى قۇرىلدى. قارجى پوليتسياسى وبلىس تۇر­عىندارىنا تاڭاتقانوۆتار الاياقتىعىنان زارداپ شەككەندەردىڭ, ولاردىڭ قىلمىسىن بىلەتىندەردىڭ حابارلاسۋىن ءوتىنىپ وتىر. ءنازيرا جارىمبەتوۆا, «ەگەمەن قازاقستان». قوستاناي.