فوتو: Olympic.kz (ارحيۆ)
بۇل اقپاراتتى جۋرناليست اسلان قاجەنوۆ الەۋمەتتىك جەلىدە جاريالاپ, جاڭا سالماقتا باسەكەلەستىكتىڭ ارتا تۇسەتىنىن اتاپ ءوتتى.
ايتا كەتەيىك, نۇربەك ورالباي – 2024 جىلعى پاريج وليمپياداسىنىڭ كۇمىس جۇلدەگەرى. سونىمەن قاتار ول 2023 جىلى تاشكەنتتە وتكەن الەم چەمپيوناتىندا توپ جارعان, ال 2026 جىلى ۇلان-باتوردا وتكەن ازيا چەمپيوناتىندا التىن مەدال يەلەنگەن. بۇعان دەيىن سپورتشىنىڭ نەگىزگى جەتىستىكتەرى 80 كەلىگە دەيىنگى سالماقتا تىركەلسە, سوڭعى قۇرلىقتىق دودادا ول 85 كەلى سالماقتا چەمپيون اتانعان.
بوكسشىنىڭ ەگىز اعاسى ايبەك ورالباي دا حالىقارالىق ارەنادا جوعارى ناتيجەلەرىمەن بەلگىلى. ول – ازيانىڭ ءۇش دۇركىن چەمپيونى, قازاقستان قۇراماسىنىڭ كاپيتانى جانە قازىرگى تاڭدا 90 كەلىدەن جوعارى سالماقتا World Boxing رەيتينگىندە كوش باستاپ تۇر.
سونىمەن بىرگە, 2028 جىلى لوس-اندجەلەستە وتەتىن وليمپيادا ويىندارىندا بوكس باعدارلاماسىندا سالماق دارەجەلەرى قىسقارتىلىپ, ەرلەر مەن ايەلدەر ءۇشىن 7 سانات قانا قالاتىنى بەلگىلى بولدى. وسى وزگەرىستەرگە بايلانىستى نۇربەك ورالباي 80 نەمەسە 90 كەلى سالماقتىڭ ءبىرىن تاڭداۋى قاجەت بولعان.
ازيا چەمپيوناتى: سابىرجان اققالىقوۆ وزبەك بوكسشىسىنان باسىم ءتۇستى
