ەسكە سالا كەتەيىك, 2018 جىلدىڭ ءساۋىر ايىندا قازاقستاندىق ستۋدەنت قىز توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ تەرەزەسىنەن قۇلاپ كەتكەن ەدى. ول 3 مامىردا اۋرۋحانادا قايتىس بولدى. قىزدىڭ اتا-اناسى سۋيتسيد تۋرالى تەرگەۋشىلەردىڭ نۇسقاسىمەن كەلىسپەي, تەرگەۋدىڭ ءادىل جۇرگىزىلۋىن تالاپ ەتتى.
كەيىننەن قر ادام قۇقىقتارى جونىندەگى ۋاكىلى اسقار شاكىروۆ رەسەي فەدەراتسياسىنىڭ ومبۋدسمەنى تاتيانا موسكالكوۆاعا توميريس بايسافانىڭ ءولىمىن تەرگەۋگە كومەك سۇراعان ەدى.
2020 جىلى توميريس بايسافانىڭ ولىمىنە قاتىستى داعىستان ۇكىمەتىنىڭ بۇرىنعى باسشىسى مۋحتار مەدجيدوۆتىڭ ۇلى مۋرتۋزالي مەدجيدوۆ قاماۋعا الىندى.
مۋرتازالي مەدجيدوۆكە قاتىستى قىلمىستىق ءىس ماسكەۋدىڭ نيكۋلين اۋداندىق سوتىندا قارالادى.
