ايماقتار • 23 ماۋسىم، 2022

«قالباتاۋ-مايقاپشاعاي» تاسجولىنىڭ قۇرىلىسى قايتا جانداندى

25 رەت كورسەتىلدى

ەلىمىزدەگى قۇرىلىسى ۇزاققا سوزىلىپ، پروبلەمالىق دەپ تانىلعان «قالباتاۋ-مايقاپشاعاي» كۇرە جولىندا قۇرىلىس جۇمىستارى قايتا جانداندى، دەپ حابارلايدى Egemen.kz.

وسىلايشا، باس مەردىگەردىڭ الدىنا 2022 جىلدىڭ سوڭىنا دەيىن 250 شاقىرىم جولدى قولعا الۋ مىندەتى قويىلدى.

«قۇرىلىس كونسورتسيۋمىمەن كەلىسىمشارتقا 2017 جىلى قول قويىلدى. بىرنەشە جىل بويى جوبالاۋ جۇمىستارى جۇرگىزىلدى. جالپى ۋچاسكە سانى —10.

قايتا قۇرۋ جۇمىستارىنىڭ قارقىنى  تومەن بولىپ، مەردىگەرلەر بەكىتىلگەن جۇمىس كەستەسىنەن قالىپ قويدى. نەگىزگى سەبەپ — باس مەردىگەرلەردىڭ جۇمىسىنا سالعىرت قاراپ، جۇمىس ىستەمەۋى.

قۇرىلىس كونسورتسيۋمى ءبىر شەتەلدىك (قىتاي) جانە ءبىر وتاندىق كومپانيادان تۇردى. بيىلعى جىلدىڭ اقپان ايىنان باستاپ قىتايلىق كومپانيا جانە ەكسيمبانكپەن كەلىسسوزدەر جۇرگىزدىك. جۇمىستى قىتايلىق كومپانيا اياقتايتىنى تۋرالى كەلىسىمگە كەلدىك، باس مەردىگەر جىل سوڭىنا دەيىن جولدىڭ كوپ بولىگىندە جول قوزعالىسىن قامتاماسىز ەتۋگە نيەتتى. 2023 جىلدىڭ سوڭىنا دەيىن وسى جوبانى ءساتتى اياقتاۋ ءۇشىن بارلىق قاجەت شارالاردى قولدانامىز. قالعان قۇرىلىسى ۇزاققا سوزىلىپ كەتكەن تاسجولدار بويىنشا دا جۇيەلى جۇمىستار جۇرگىزۋدەمىز»، دەدى قازاۆتوجول باسشىسى مەيىرحات قاسىمباەۆ.

قازىر 300-گە جۋىق ارنايى تەحنيكا مەن 400-دەن استام جۇمىسشى جۇمىلدىرىلعان. جول قىزمەتكەرلەرىنىڭ 90% - ى جەرگىلىكتى تۇرعىندار، ولار تەحنيكالىق ماماندىقتارعا بەيىمدەلىپ، وقىپ شىقتى.

ەسكە سالا كەتەيىك، رەسپۋبليكالىق ماڭىزى بار اۆتوجولدىڭ جالپى ۇزىندىعى 415 شاقىرىمدى قۇرايدى، قايتا جاڭارتۋ جۇمىستارى اياقتالعاننان كەيىن تاس جول 2 جولاقتى بولادى جانە II تەحنيكالىق ساناتقا سايكەس كەلەدى.

سوڭعى جاڭالىقتار

كيىكتەر كىمگە كەدەرگى؟

قازاقستان • كەشە

ەكى اۋىلعا گاز جەتتى

ايماقتار • كەشە

ينفلياتسيا يىلە مە؟

قوعام • كەشە

ءدارى مەن ءسوز ءدارۋى

مەديتسينا • كەشە

«التايداي جەر قايدا؟!»

ايماقتار • كەشە

ۇقساس جاڭالىقتار