«مەملەكەت باسشىسىنىڭ تاپسىرماسىنا سايكەس, دۇنيەجۇزىلىك بانكتىڭ قاتىسۋىمەن ۇلتتىق ەكونوميكا مينيسترلىگى مەملەكەتتىك ورگاندارمەن جانە ۇيىمدارمەن بىرلەسىپ, قازاقستان رەسپۋبليكاسىنىڭ 2026 جىلعا دەيىنگى ينۆەستيتسيالىق ساياساتى تۇجىرىمداماسىنىڭ جوباسىن ازىرلەدى. تۇجىرىمداما جوباسىندا كوزدەلگەن نەگىزگى نىسانالى ينديكاتورلار – نەگىزگى كاپيتالعا ينۆەستيتسيالار دەڭگەيىن ءىجو-گە 25,1 پايىزعا دەيىن جەتكىزۋ جانە تىكەلەي شەتەلدىك ينۆەستيتسيالار اعىنىن 2026 جىلدىڭ وزىندە 25,5 ملرد اقش دوللارىنا دەيىن ارتتىرۋ», دەدى ۆيتسە-مينيستر.
ونىڭ ايتۋىنشا, اتالعان ماقساتتارعا قول جەتكىزۋ ءۇشىن تۇجىرىمداما جوباسىمەن ينۆەستيتسيالار تارتۋ ساياساتىن قايتا قاراۋ جونىندەگى شارالار كەشەنى كوزدەلگەن. بۇل جاڭا ترەندتەردى ەسكەرە وتىرىپ, ينۆەستيتسيالار قۇرىلىمىن باسەكەگە قابىلەتتى, قوسىلعان قۇنى جوعارى تاۋارلاردى ءوندىرۋ جاعىنا وزگەرتۋگە مۇمكىندىك بەرەدى.
«ينۆەستيتسيالىق دامۋدىڭ نەگىزگى پايىمى ءاربىر سالانىڭ ەكونوميكانى دامىتۋعا قوسقان ۇلەسىن ەسكەرە وتىرىپ, ينۆەستيتسيالار تارتۋعا تەڭدەستىرىلگەن تاسىلدەن تۇرادى. وڭدەۋ ونەركاسىبى باسەكەگە قابىلەتتىلىكتى ارتتىرۋدىڭ ءتيىمدى درايۆەرى بولىپ سانالادى. مۇندا ەڭبەك ونىمدىلىگىنىڭ وسۋىنە, ەكسپورت كولەمىن ۇلعايتۋعا جانە كۇردەلىلىگىن ارتتىرۋعا, نەعۇرلىم جوعارى قايتا ءبولۋ ءونىمىنىڭ جاڭا ءوندىرىسىن يگەرۋگە, ءوندىرىستى كەزەڭ كەزەڭىمەن وقشاۋلاۋعا باسا نازار اۋدارىلادى. بۇل رەتتە مەملەكەتتىك قولداۋ جەكە كاپيتالدىڭ جەتىسپەۋشىلىگى بار, جوعارى تەحنولوگيالىق كاپيتالدى قاجەت ەتەتىن جوبالاردى ىسكە اسىرۋ ءۇشىن باسىمدىق بەرىلەدى», دەدى تيمۋر جاقسىلىقوۆ.
