كومبۋستيولوگتەردىڭ بىرەگەي وپەراتسياسى

«الەۋمەتتىك مەديتسينالىق ساق­­تاندىرۋ قورى» كەاق نۇر-سۇل­­­تان قالاسى بويىنشا فيليا­لى­­ ءباسپاسوز قىزمەتىنىڭ حابار­لا­ۋىنشا، بالا قاتتى كۇيگەن، كە­­يىن­نەن باستىڭ قوزعالىسىن شەك­­­تەي­تىن تەرەڭ تىرتىق قال­عان. كۇ­يىك­­تىڭ سالدارىنان مويىن­نىڭ، دە­نە­نىڭ، ەكى قولدىڭ گيپەرترو­فيا­لىق تىر­تىقتارى، 3-دارەجەلى مو­يىن كونتراكتۋراسى، 2-دارەجەلى يىق بۋىن­دارىنىڭ كونتراكتۋراسى بولعان.

№2 كوپسالالى قالالىق بالالار اۋرۋحاناسى كومبۋستيولوگيا بولىمشەسىنىڭ مەڭگەرۋشىسى باقىتحان ساعيدولدانىڭ ايتۋىن­شا، بالادا مويىننىڭ، كەۋ­دە­نىڭ، ەكى يىق بۋىنىنىڭ، ەكى بىلەك­تىڭ مەديالدى الدىڭعى بەتىن­دە بوز­عىلت-قىزعىلت ءتۇستى گيپەر­ترو­فيا­لىق تىرتىقتار بايقالعان.

«يەك كەۋدەگە دانەكەرلەنگەن، بەت دەفورماتسياسى بار. ەرىننىڭ تومەنگى بولىگى تومەنگى جاقتىڭ تىستەرى اشىلعاندا تومەن قاراي جىلجيدى، تەرەڭ تىرتىقتىڭ كونگلومەراتىنا بايلانىستى موي­نى قاتىپ قالعان. باسىن ءارى-بەرى بۇرا المايدى. كەۋدە قۋىسىنىڭ الدىڭعى بەتىندە جانە ەكى يىقتا دا «جەتكەندى» تەرەڭ گيپەرترو­فيا­لىق تىرتىقتار پايدا بول­عان. سونىڭ سالدارى ەكى يىق بۋىندا­رى­نىڭ كونتراكتۋراسىنا الىپ كەلگەن. يىق بۋىندارى 90 گرادۋس­قا بۇرىلادى»، دەپ ءتۇسىندىردى ول.

ەلوردا اۋرۋحاناسىندا ەمدەلۋ­شىنىڭ مويىنى تىرتىقتارىن كەسىپ، مويىننىڭ جەتەكشى كون­تراك­تۋراسىن تۇزەتەتىن، اياعىن­داعى تەرى-ماي سىنىقتارىن نار­لەن­دىرەتىن پلاستيكا جاسالدى.

«وتادان كەيىنگى ەرتە كەزەڭدە پاتسيەنتتە ورىن اۋىستىرعان قاق­­­پاقشالاردىڭ تولىق كىرىك­كەنى باي­قالادى، باسىنداعى قات­تى كۇيى تۇ­زەلگەن، وپەراتسيا­دان كە­يىن­گى جارالار جازىلا باس­تا­عان. قولدانىل­عان ەمدەۋ ءادىسى وتانىڭ ءبىرىنشى كەزەڭى­نەن كە­يىن جاقسى فۋنكتسيونالدى ناتي­جە­گە قول جەتكىزۋگە مۇم­كىن­دىك بەردى. كەيىننەن كوسمەتي­كا­لىق اقاۋلاردى تۇزەتۋ ءۇشىن حيرۋرگيا­لىق وتا جاسالادى. ناۋ­قاس­تىڭ انا­سى بالاسىن شىلدە ايىندا بىزگە تاعى الىپ كەلەدى جانە ەمدەۋدى جالعاستىرادى دەپ ۇمىتتەنەمىز»، دەپ تۇيىندەدى دارىگەر.

تەرميالىق كۇيىكتەر مەدي­تسي­نانىڭ ەڭ كۇردەلى ماسەلە­لە­رىنىڭ ءبىرى بولىپ قالا بەرەدى. بۇل ونىڭ پايدا بولۋ جيىلىگىنە، ەمدەۋدىڭ قيىندىعىنا جانە قو­­لايسىز سالدارعا بايلانىس­تى. كۇيىك جاراقاتىنىڭ ءجيى كەز­دە­سەتىن سالدارىنىڭ ءبىرى – گيپەر­ترو­فيالىق تىرتىقتاردىڭ پايدا بولۋى. كۇيىكتەن كەيىنگى تىر­تىق­تاردى ەمدەۋ پروبلەماسى قازىرگى ۋاقىتتا ءالى دە وزەكتى. اۋىر كۇيىك­تەردى ەمدەۋدە قول جەتكىزىلگەن ۇلكەن جەتىستىكتەرگە قاراماستان، تىر­تىقتى دەفورماتسيالار مەن كونتراكتۋرالارى بار ناۋقاستار سانى از ەمەس. وسىعان بايلانىستى 2013 جىلى №2 كوپسالالى قالالىق بالالار اۋرۋحاناسىندا كۇيىك بولىمشەسى اشىلعان بولاتىن، وندا كۇيىك سالدارىنان تەرەڭ دەنە جاراقاتتارى ۇزاق ۋاقىت جازىلماعان بالا­لارعا مامان­داندىرىلعان كومبۋستيو­لوگيالىق كومەك كورسەتىلەدى.