مىڭداعان گەكتار جايىلىم مەملەكەتكە قايتارىلدى

مەملەكەت باسشىسى قاسىم-جومارت توقاەۆ بىلتىر قاڭتار ايىندا ۇكىمەتتىڭ كەڭەيتىلگەن وتىرىسىندا بوس جاتقان جايىلىمدىق جەرلەردى قايتارۋدىڭ ماڭىزدىلىعىن اتاپ وتكەن ەدى.

كەزەكتى باسقوسۋدا پارتيا حاتشىسى، «جەر اماناتى» كوميسسياسىنىڭ توراعاسى داۋلەت كارىبەك پارتيا وكىلدەرى مەملەكەت باسشىسى تاپسىرعان ماسەلەنى شەشۋ جولىندا تالماي تەر توگەتىنىن ايتتى. ونىڭ ايتۋىنشا، سوڭعى بىرنەشە اي ىشىندە كوميسسيانىڭ كۇشىمەن قاراعاندى، جامبىل جانە تۇركىستان وبلىستارىنداعى 140 مىڭ گەكتاردان استام جايىلىمدىق جەر مەملەكەتتىك مەنشىككە قايتارىلعان.

«جەر – ەلگە امانات، ەل – ەرگە امانات» دەگەن بار. وسى سەبەپتى جەر ماسەلەسىن شەشەتىن ۋاقىت كەلدى. «جەر اماناتى» كوميسسياسىنىڭ مىندەتى – پايدالانىلماي جاتقان جايىلىمدىق جەرلەردى، زاڭسىز جەكەمەنشىككە وتكەن جەرلەردى مەملەكەتتىك مەنشىككە قايتارۋعا كومەك­تەسۋ. جاسىراتىنى جوق، وليگوپوليا تەك ورتالىق دەڭگەيدە عانا ەمەس، اۋداندىق، وڭىرلىك دەڭگەيدە دە بار، ءبىز ولارمەن توقتاۋسىز كۇرەسەمىز»، دەدى د.كارىبەك.

ءوز كەزەگىندە ءماجىلىس دەپۋتاتى، كوميسسيا مۇشەسى ەرلان سايروۆ اماناتتىقتار جاعدايمەن جەكە تانىسۋ ءۇشىن ەلىمىزدىڭ تۇكپىر-تۇكپىرىن ارالاعانىن جەتكىزدى.

ء«بىز ەڭ شالعايداعى فەرما، قىستاق، جايلاۋلاردا بولدىق. قايدا بارساق تا، ەڭكەيگەن كارىدەن ەڭبەكتەگەن بالاعا دەيىن ايتاتىنى – جەر ماسەلەسى. سوندىقتان قازىرگى تاڭدا پارتيا جەر ماسەلەسىمەن ناقتى ءارى جان-جاقتى اينالىسۋعا بەل بۋىپ وتىر. مىنە، وسى تۇرعىدا Amanat حالىقتىڭ مۇڭ-مۇددەسىن قوزعاپ جۇرگەن حالىقتىق پارتيا بولعاندىقتان، «جەر اماناتى» دەگەن كوميسسيا قۇرىلدى. وعان ەلىمىزگە بەلگىلى، ءوزىنىڭ پوزيتسياسى بار، جەر ماسەلەسىن كوتەرىپ جۇرگەن ازاماتتاردىڭ بارلىعى كىرىپ وتىر»، دەدى دەپۋتات.

ال ءماجىلىس دەپۋتاتى ايدوس سارىم جەر ماسەلەسى قوعام ءۇشىن قاي كەزدە دە وزەكتى ەكەنىن ايتا كەلىپ، اۋدانداردا ادامدارعا مال جايۋعا، اگروبيزنەسپەن اينالىسۋعا مۇمكىندىك بەرمەيتىن وليگوپوليا بار ەكەنىن العا تارتتى. «جەرگىلىكتى وليگارحتار جەردىڭ ءبارىن مەنشىكتەپ العان. بۇگىنگى تاڭدا قوعام بوس اڭگىمە ەمەس، ناقتى ناتيجە كۇتەدى. بۇل ىستە اۋىل شارۋاشىلىعى مينيسترلىگىنىڭ نەعۇرلىم بەلسەندى بولىپ، زاڭدى شارالار قابىلداماعان جاعدايدا قۇقىق قورعاۋ ورگاندارى اكىمدەرگە قاتىستى ءىس قوزعاۋ ءۇشىن جەرگىلىكتى اتقارۋشى ورگاندارعا ۇيعارىمدار بەرگەنى ءجون»، دەدى ا.سارىم.

قوعام قايراتكەرى، «سەرپىن» ۇلتتىق ءبىلىم جانە يننوۆاتسيالار پالاتاسىنىڭ پرەزيدەنتى مۇرات ابەنوۆ اۋىلدا جەر تالان-تاراجعا ءتۇسىپ كەتكەندىكتەن، اۋىل ازاماتتارى قالاعا قونىس اۋدارۋ­عا جانە قالاعا كەلگەن سوڭ ءۇيسىز-كۇيسىز، جۇ­مىسسىز جۇرۋگە ءماجبۇر بولىپ وتىر­عانىن ايتتى.

جەردى ءتيىمسىز پايدالانۋعا قاتىستى زاڭگەر باقىتجان بازاربەك ناقتى مىسالدار كەلتىردى. «ماڭعىستاۋ وبلىسىنداعى شارۋاشىلىقتاردىڭ ءبىرىنىڭ جەر كولەمى 2015 جىلى 3،5 ملن گەكتار بولدى، بۇل مولدوۆا، بەلگيا، ارمەنيانىڭ تەرريتورياسىنان اسادى. قازىرگى ۋاقىتتا بۇل شارۋاشىلىقتا 1 ملن گەكتاردان استام جەر بار، ال مالى جوق. ۋاكىلەتتى ورگانعا جەر ۋچاسكەسىن الىپ قويۋعا نە كەدەرگى كەلتىرىپ وتىر؟ ءبىز وسى سياقتى جاعدايدىڭ ءبارىن تەكسەرەمىز»، دەدى ول.

تەلەجۋرناليست ماقسات تولىقباي «جەر اماناتى» كوميسسياسى جۇمىسىنىڭ ەرەكشەلىگىنە توقتالىپ، وعان ەل ومىرى­نە بەيجاي قارامايتىن ازاماتتاردى اتسالىسۋعا شاقىردى.

«جاسىراتىنى جوق، بۇل ءىستىڭ بار­لىعىن اتقارۋ مينيسترلىكتەرگە قيىنعا سوعادى. سوندىقتان قازىر ساياسي پارتيانىڭ كومەگى كەرەك بولىپ وتىر. پارتيانىڭ رەسۋرسى ۇلكەن. كوميسسيا جۇمىسىن اشىق ەتۋ ءۇشىن بارلىق تەتىكتەردى ىسكە قوسۋ قاجەت»، دەدى ول.

ايتا كەتەيىك، «جەر اماناتى» كوميس­سيا­سىنىڭ قۇرامىندا جاناربەك ءاشىمجان، قاينار اباسوۆ، ارتۋر پلاتونوۆ سىندى پار­لامەنت ءماجىلىسىنىڭ دەپۋتاتتارى، باس پرو­كۋراتۋرا، اۋىل شارۋاشىلىق مينيستر­لىگىنىڭ وكىلدەرى، مارات ءباشىموۆ، كي­ريلل پاۆلوۆ، عالىم بايتوق، مارات شي­بۇتوۆ، ماقسات تولىقباي سىندى قوعام قايراتكەرلەرى مەن بلوگەرلەر بار. بۇ­دان بۇرىن پارتيانىڭ ارالاسۋىمەن قارا­عاندى وبلىسىنا قاراستى نۇرا اۋدانىنىڭ تۇر­عىن­دارى 80 مىڭ گەكتاردان استام جايى­لىمدىق جەرگە قول جەتكىزگەن بولاتىن.

بۇل جەرلەر اۋىل تۇرعىندارىنا جەكە قوسالقى شارۋاشىلىقتارعا ارنالعان جايىلىمدار اۋىل شارۋاشىلىعى تا­ۋارىن وندىرۋشىلەر، اۋىل اكىمدەرى جانە جەرگىلىكتى قوعامداستىق اراسىنداعى مەموراندۋم شەڭبەرىندە بەرىلدى.

ال ماسەلەنى جۇيەلى شەشۋ ءۇشىن پارتيا قولدانىستاعى زاڭناماعا وزگەرىس­تەر ەنگىزۋگە قول جەتكىزۋگە نيەتتى. اتاپ ايتقاندا، جايىلىمداردىڭ توزۋىنا جانە شولەيتتەنۋىنە قارسى كۇرەس جونىندەگى بيۋدجەتتىك باعدارلامانى وبلىستىق دەڭگەيدەن اۋىلدىق وكرۋگتەر اكىمدەرىنىڭ دەڭگەيىنە بەرۋ، مال باسىن ەسكەرە وتىرىپ، جايىلىمداردىڭ جالپى الاڭىنا تۇسەتىن جۇكتەمە نورمالارىن جاڭارتۋ، ەلدى مەكەن شەكاراسىنان 5 كم راديۋستا اۋىل شارۋاشىلىعى تاۋارىن وندىرۋشىلەرگە جايىلىم بەرۋگە تىيىم سالۋ قاجەت.