«20 ماۋسىمدا نيگەريادا ينتەرپولدىڭ قازاقستان رەسپۋبليكاسى ءىىم-دەگى ۇلتتىق ورتالىق بيۋروسىنىڭ سۇراۋى بويىنشا قر قك 259-بابىنىڭ 2-بولىگىندە كوزدەلگەن قىلمىس (ەسىرتكى قۇرالدارىن نەمەسە پسيحوتروپتىق زاتتاردى زاڭسىز دايىنداۋ, قايتا وڭدەۋ, ساتىپ الۋ, ساقتاۋ, تاسىمالداۋ, جونەلتۋ نەمەسە وتكىزۋ) جاساعانى ءۇشىن حالىقارالىق ىزدەۋدە جۇرگەن اديندو نونسو فورتۋنە ۇستالدى. قازىر ونى قاماۋدا ۇستاۋ جانە قازاقستانعا ودان ءارى ەكستراديتسيالاۋ تۋرالى, ءارى پروتسەسسۋالدىق شەشىم قابىلداۋ ماقساتىندا قاجەتتى ماتەريالدار ينتەرپولدىڭ نيگەريا ۇوب-نا جولداندى», دەلىنگەن ۆەدومستۆو حابارلاماسىندا.
اقجارقىن تۇرلىبايدىڭ ادۆوكاتى سۇڭقار نۇرماعامبەت قورعاۋىنداعى قازاقستاندىقتىڭ قىتايعا ساپارىن ۇيىمداستىردى دەپ كۇدىككە ىلىنگەن نيگەريالىقتىڭ ۇستالعانىن مالىمدەگەن ەدى.
ايتا كەتسەك, قىتاي اقجارقىن تۇرلىبايدى قازاقستانعا قايتارۋدان باس تارتىپ وتىر.
