قازگيدرومەتتىڭ مالىمەتىنشە, تسيكلون مەن اتموسفەرالىق فرونتتاردىڭ اسەرىنەن قازاقستان تەرريتورياسىندا تۇراقسىز اۋا رايى ساقتالادى. جاڭبىر جاۋىپ, نايزاعاي جارقىلدايدى.
كۇندىز ەلىمىزدىڭ وڭتۇستىك-شىعىسىندا قاتتى جاڭبىر جاۋادى. رەسپۋبليكا بويىنشا جەل كۇشەيىپ, بۇرشاق جاۋادى, شاڭدى داۋىل تۇرادى.
اقمولا وبلىسىندا نايزاعاي ويناپ, جەل كۇشەيەدى, تۇندە سولتۇستىگىندە, ورتالىعىندا ەكپىنى - 15-20 م/س, كۇندىز وبلىستىڭ باسىم بولىگىندە 15-20, سولتۇستىگىندە 25 م/س دەيىن كۇشەيەدى, كۇندىز وبلىستىڭ سولتۇستىگىندە, وڭتۇستىگىندە شاڭدى داۋىل سوعادى.
الماتى وبلىسىنىڭ تاۋلى اۋداندارىندا كۇندىز كۇن كۇركىرەپ, وڭتۇستىگىندە, شىعىسىندا جانە تاۋلى اۋداندارىندا جەل ەكپىنى 25 م/س جەتەدى.
كۇندىز تۇركىستان وبلىسىنىڭ تاۋلى اۋداندارىندا نايزاعاي ويناپ, داۋىل تۇرادى, نايزاعاي كەزىندە جەلدىڭ كۇشى 15-20 م/س بولادى.
باتىس قازاقستان وبلىسىنىڭ سولتۇستىك-شىعىسىندا نايزاعاي, بۇرشاق, داۋىل سوعادى. كۇندىز وبلىستىڭ سولتۇستىك-شىعىسىندا جەل قارقىنى - 15-20 م/س.
كۇندىز اتىراۋ وبلىسىنىڭ باتىسىندا, سولتۇستىگىندە, ورتالىعىندا نايزاعاي كۇتىلەدى, كۇندىز وبلىستىڭ باتىسىندا جەل 15-20 م/س دەيىن كۇشەيەدى.
ماڭعىستاۋ وبلىسىنىڭ سولتۇستىگىندە, وڭتۇستىگىندە, ورتالىعىندا جەل جىلدامدىعى 15-20 م/س جەتىپ, شاڭدى داۋىل سوعادى.
كۇندىز اقتوبە وبلىسىنىڭ سولتۇستىگىندە, شىعىسىندا, ورتالىعىندا كۇن كۇركىرەيدى, وبلىستىڭ سولتۇستىگىندە جەل ەكپىنى - 18 م/س.
قوستاناي وبلىسىنىڭ باتىسىندا, سولتۇستىگىندە, شىعىسىندا نايزاعاي, بۇرشاق, داۋىل كۇتىلەدى, جەل 25 م/س دەيىن كۇشەيەدى.
سولتۇستىك قازاقستان وبلىسىنىڭ سولتۇستىگىندە, شىعىسىندا - نايزاعاي, بۇرشاق, داۋىل بولادى, كۇندىز باسىم بولىگىندە جەل ەكپىنى 23-28 م/س جەتەدى.
تۇندە پاۆلودار وبلىسىنىڭ سولتۇستىگىندە, باتىسىندا, شىعىسىندا كۇن كۇركىرەيدى, نايزاعاي كەزىندە جەلدىڭ ەكپىنى - 15-20 م/س.
كۇندىز قاراعاندى وبلىسىنىڭ سولتۇستىگىندە, شىعىسىندا سەكۋندىنا 15-20 مەتر جىلدامدىقپەن جەل سوعادى.
كۇندىز شىعىس قازاقستان وبلىسىنىڭ باتىسىندا, سولتۇستىگىندە, شىعىسىندا نايزاعاي وينايدى, جەل ەكپىنى 15-20 م/س دەيىن كۇشەيەدى.
كۇندىز جامبىل وبلىسىنىڭ وڭتۇستىگىندە, تاۋلى اۋداندارىندا نايزاعاي, بۇرشاق, داۋىل كۇتىلەدى, وبلىستىڭ وڭتۇستىك-باتىسىندا, سولتۇستىك-شىعىسىندا, تاۋلى اۋداندارىندا جەل 15-20 م/س دەيىن كۇشەيەدى.
