قوعام • 21 ماۋسىم، 2022

قازاقستاندىق وندىرۋشىلەر يننوپروم-2022 كورمەسىنە قاتىسادى

15 رەت كورسەتىلدى

4-7 شىلدە ارالىعىندا ەكاتەرينبۋرگ قالاسىندا (رف) يننوپروم «ونەركاسىپتىك اۋىسۋ: سىن-قاتەرلەردەن جاڭا مۇمكىندىكتەرگە» 12 حالىقارالىق ونەركاسىپتىك كورمەسى وتەدى، دەپ حابارلايدى Egemen.kz يدم ءباسپاسوز قىزمەتىنە سىلتەمە جاساپ.

«كورمەنىڭ نەگىزگى باعىتتارى: تسيفرلىق ءوندىرىس، مەتالل وڭدەۋ، كولىكتىك ماشينا جاساۋ، مەتاللۋرگيا، ەنەرگەتيكاعا ارنالعان تەحنولوگيالار، جاڭا ماتەريالدار، كومپونەنتتەر ءوندىرىسى، تاۋ-كەن ونەركاسىبى. كومپانيالار تاۋ-كەن مەتاللۋرگيا كەشەنى، ماشينا جاساۋ، حيميا جانە فارماتسەۆتيكا ونەركاسىبى، قۇرىلىس يندۋسترياسى، جەڭىل ونەركاسىپ، تسيفرلىق يندۋستريا، جاسىل ەنەرگيا، اەروعارىش جانە قورعانىس ونەركاسىبى ءۇشىن ونىمدەر مەن شەشىمدەردى ۇسىنادى»، دەلىنگەن حابارلامادا.

سونداي-اق يننوپروم-2022 ىسكەرلىك باعدارلاماسى اياسىندا كومپانيالار مەن وڭىرلەردىڭ كونفەرەنتسيالارى مەن سەمينارلارى جوسپارلانعان.

«6-7 شىلدەدە يننوپرومدا قۇرامداس بولىكتەردى وندىرۋشىلەردىڭ فورۋمى وتەدى. بۇل شارا اياسىندا قۇرامداس بولىكتەردى وندىرۋشىلەر رەسەي فەدەراتسياسىنىڭ ەڭ ءىرى ونەركاسىپتىك كومپانيالارىنا ءوز ونىمدەرى مەن تەحنولوگيالارىن ۇسىنا الادى. يننوپروم - قازاقستاندىق كومپانيالار ءۇشىن ءوزىن تانىتۋعا، كەلىسىمشارتتار جاساۋعا جانە جاڭا سەرىكتەستىك بايلانىستار ورناتۋعا تاماشا مۇمكىندىك»، دەلىنگەن قر يدم ءباسپاسوز قىزمەتىنىڭ حابارلاماسىندا.

قازاقستان - بيىل يننوپروم-2022 كورمەسىنىڭ رەسمي سەرىكتەس ەلى. وسىعان بايلانىستى قازاقستاندىقتار قۇرامداس بولىكتەردى وندىرۋشىلەردىڭ فورۋمىنا تەگىن قاتىسا الادى.

ايانا توعانبەك

سوڭعى جاڭالىقتار

قازاقستاندا قانشا ادام ۆاكتسينا الدى

كوروناۆيرۋس • بۇگىن، 10:42

ۇقساس جاڭالىقتار