«جۇيە قارجىلىق قىزمەتتەردى تۇتىنۋشىلارعا قىزمەت كورسەتەتىن قاندايدا ءبىر بانككە قاراماستان, ونلاين قولجەتىمدى بولۋى ءۇشىن جانە تولەم قۇرالدارىن پايدالاناتىن ىڭعايلى ءارى قاراپايىم تولەم سەرۆيسىن ۇسىنۋ ماقساتىندا ازىرلەنگەن. جۇيەنىڭ فۋنكتسيونالدىعى ۇيالى تەلەفون ءنومىرى ارقىلى اۋدارىمداردى جانە ءارتۇرلى بانكتىڭ كليەنتتەرى اراسىندا QR-كود ارقىلى تولەمدەردى جۇزەگە اسىرۋعا مۇمكىندىك بەرەدى. لتج قارجى ينستيتۋتتارى ۇسىناتىن تسيفرلىق قىزمەتتەردىڭ اۋقىمىن دامىتىپ, كەڭەيتۋگە نەگىز بولا الادى», دەلىنگەن ۇلتتىق بانك حابارلاماسىندا.
سەرۆيستەردى ىسكە قوسۋ 2 كەزەڭدە جۇزەگە اسىرىلادى:
- ءبىرىنشى كەزەڭ – جەكە تۇلعالاردىڭ تەلەفون ءنومىرى بويىنشا اۋدارىمدار (P2P-اۋدارىمدار);
- ەكىنشى كەزەڭ – QR-كود ارقىلى قولما-قول اقشاسىز تولەمدەر (ۇلتتىق QR-كود ستاندارتىنا سايكەس) جانە ساۋدا ۇيىمدارىنىڭ پايداسىنا جاڭا تولەم ستسەناريلەرىن, ونىڭ ىشىندە سۇرانىس بويىنشا تولەمدەردى جۇزەگە اسىرۋ.
سەرۆيستەردىڭ قولجەتىمدىلىگى تۋرالى اقپاراتتى كليەنتكە قىزمەت كورسەتۋشى بانكتىڭ ءوزى حابارلايدى.
«تەلەفون ءنومىرى بويىنشا اۋدارىم جاساۋ ءۇشىن اقشا جونەلتۋشىگە ءوز بانكىنىڭ – لتج قاتىسۋشىسىنىڭ ۇيالى قوسىمشاسىندا الۋشىنىڭ ۇيالى تەلەفون ءنومىرىن ەنگىزىپ, اۋدارىم سوماسىن جانە الۋشىنىڭ بانكىن كورسەتۋ جەتكىلىكتى. اۋدارىلعان اقشا الۋشىعا ونىڭ لتج قاتىسۋشى بانكتەگى شوتىنا لەزدە تۇسەدى. ال, بانكتەر ءوز كليەنتتەرى ءۇشىن P2P-اۋدارىم قىزمەتتەرىنىڭ ءتاريفىن دەربەس بەلگىلەيدى», دەلىنگەن ۆەدومستۆو اقپاراتىندا.
قازىردىڭ وزىندە ەكىنشى دەڭگەيلى 9 بانك لتج-عا قاتىسۋ تۋرالى كەلىسىم جاساستى, ونىڭ 4-ءى ءوز كليەنتتەرىنە لتج قوسىپ قويسا, قالعان 5 بانك قوسىلۋ پروتسەسىندە. جاڭا قىزمەت وسى بانكتەردىڭ ءموبيلدى قوسىمشالارىنداعى ىشكى پروتسەستەردىڭ جەتىلدىرىلۋىنە قاراي پايدا بولادى.
