وبلىس باسشىسى بالانىڭ جاعدايىمەن جەكە بارىپ تانىسپاعانىن, بىراق بۇل جايلى حابارى بار ەكەنىن اشىپ ايتتى.
«ارينە, اكىم رەتىندە مەن وسىنداي بارلىق قايعىلى وقيعالارعا جاۋاپتىمىن. قازىر بولعان جايتقا قاتىستى تەرگەۋ-تەكسەرۋ امالدارى ءجۇرىپ جاتىر. ەگەر اكىمدىككە قاراستى كومپانيانىڭ كىناسى دالەلدەنسە, ارينە ءتيىستى شارانى قولدانامىز. وتە وكىنىشتى, قايعىلى جاعداي. قىلمىستىق ءىس سوتقا جەتكەننەن كەيىن جاعدايدى باقىلاپ, زاڭ اياسىندا شارا قابىلدانادى. بالاعا ءتيىستى كومەك كورسەتەمىز. ارينە مۇنداي جاعداي قايتالانباۋى ءتيىس», دەپ جاۋاپ بەردى عالي ەسقاليەۆ.
ەسكە سالا كەتسەك, 25 مامىردا باتىس قازاقستان وبلىسىندا بالانى توك سوقتى. وقيعا سالدارىنان بالا ەكى قولىنان ايىرىلدى.
وڭىرلىك توتەنشە جاعداي دەپارتامەنتى تۇسىندىرگەندەي, 4 بالا ويناپ ءجۇرىپ, كىشى ستانتسيانىڭ قورشالعان جابىق اۋماعىنا كىرگەن. سول كەزدە 5 جاسار ۇل بالانى توك سوققان.
