استانا. 23 ءساۋىر. بۇگiن استانادا قازاقستان جانە قىتاي مەملەكەتتىك قىزمەت سالاسىنداعى ىنتىماقتاستىق جونىندەگى ەكىجاقتى مەموراندۋمعا قول قويدى. بۇل تۋرالى egemen.kz ءتىلشىسى حابارلادى.
مەملەكەتتiك قىزمەت iستەرi اگەنتتiگiنiڭ توراعاسى ءاليحان بايمەنوۆ قىتايدىڭ ادامي رەسۋرستار جانە الەۋمەتتiك قامسىزداندىرۋ مينيسترiنiڭ ورىنباسارى يان شيتسيۋمەن كەزدەستi. كەزدەسۋ بارىسىندا مەملەكەتتىك قىزمەت سالاسىنداعى ەكىجاقتى ىنتىماقتاستىق جانە استاناداعى مەملەكەتتىك قىزمەت سالاسىنداعى وڭىرلىك حاب شەڭبەرىندەگى كوپجاقتى ىنتىماقتاستىق ماسەلەلەرى تالقىلاندى.
اگەنتتiك توراعاسى قىتاي تاراپىن قازاقستان رەسپۋبليكاسى مەملەكەتتiك قىزمەتiنiڭ جاڭا مودەلiمەن تانىستىردى. كەزدەسۋ قورىتىندىسىندا مەملەكەتتiك قىزمەت iستەرi اگەنتتiگi مەن قىتايدىڭ ادامي رەسۋرستار جانە الەۋمەتتiك قامسىزداندىرۋ مينيسترلiگi اراسىندا مەملەكەتتiك قىزمەت سالاسىندا ىنتىماقتاستىق جونiندەگi ءوزارا تۇسiنiستiك تۋرالى مەموراندۋمعا قول قويدى. مەموراندۋم شەڭبەرىندە كەزدەسۋ, ءبىلىم الماسۋ جانە مەملەكەتتىك قىزمەت سالاسىنداعى ماسەلەلەر بويىنشا ءىس-شارالارعا قاتىسۋ, ەكى ەلدىڭ مەملەكەتتىك قىزمەتشىلەرى ءۇشىن كاسىپتىك وقىتۋ سياقتى ىنتىماقتاستىقتىڭ نىساندارى كوزدەلگەن.
«قىتاي دەلەگاتسياسى قازاقستاننىڭ مەملەكەتتiك قىزمەت سالاسىنداعى رەفورمالارمەن, بiزدiڭ اگەنتتiكتiڭ جانە وزگە دە قۇرىلىمدىق بولiمشەلەردiڭ جۇمىسىمەن تانىسۋدا. قازاقستاننىڭ بۇل سالاداعى رەفورمالارى حالىقارالىق ساراپشىلاردىڭ ۇلكەن قىزىعۋشىلىعىن تۋعىزۋدا. بۇل مەموراندۋم ەكiجاقتى قارىم-قاتىناسقا دا جانە استاناداعى مەملەكەتتiك قىزمەت سالاسىنداعى ايماقتىق حاب اياسىندا دا كوپ سالالى بايلانىستاردى ورناتۋعا مۇمكiندiك بەرەدi. ەكi ەل اراسىندا مەملەكەتتiك قىزمەتشiلەردi وقىتۋ, بiرلەسكەن عىلىمي-زەرتتەۋ جۇمىستارىن جۇرگiزۋ, تالiمدەمە مەن تاعىلىمدامادان وتكiزۋ سىندى رەفورمالار جالعاسادى», - دەپ اتاپ ءوتتi ءا. بايمەنوۆ قول قويۋ راسiمiندە.
ونىڭ ايتۋىنشا, جالپى كەلiسiم بەس باعىتتاعى ارiپتەستiكتi ورناتۋدى كوزدەيدi. ولاردىڭ قاتارىندا ءوزارا تاجiريبە الماسۋ, بiرلەسكەن iس-شارالار وتكiزiپ, مەملەكەتتiك قىزمەتكەرلەرگە كاسiبي بiلiم بەرۋ ماسەلەلەرi قامتىلعان.
اگەنتتiك باسشىسىنىڭ سوزىنە قاراعاندا, مۇنداي ارiپتەستiك تەك قىتاي ەلiمەن عانا ەمەس, ەۋرووداق, اقش, كورەيا, تۇركيا, جاپونيا, رەسەي مەملەكەتتەرiمەن قارىم-قاتىناس وتە تىعىز ورناعان. سونىمەن قاتار ول بۇل قادامدار استانادا ورتالىق ازيانىڭ مەملەكەتتiك قىزمەت حابىن قۇرۋداعى مۇددەسiنە ساي كەلەتiندiگiن اتاپ ءوتتi.
قىتاي دەلەگاتسياسىنىڭ مۇشەلەرى قازاقستاننىڭ مەملەكەتتىك قىزمەت مودەلىن جوعارى باعالادى. قحر ادام رەسۋرستارى جانە الەۋمەتتىك قامسىزداندىرۋ ۆيتسە-ءمينيسترى يان شيتسيۋ قىتاي قازاقستاننىڭ مەملەكەتتىك قىزمەت جۇيەسىنەن ۇلگى الاتىندىعىن اتاپ ءوتتى.
«قازاقستاننىڭ مەملەكەتتىك قىزمەت جۇيەسى جاس بولعانىمەن, بۇل سالانى جەتىلدىرۋدە وتە جاڭاشىل ءادىس-تاسىلدەر پايدالانىلعان, - دەدى ول. -قازاقستان وسى سالادا بىرقاتار زاڭنامالىق باستامالار ەنگىزدى. بۇل رەتتە ەڭ الدىمەن «مەملەكەتتىك قىزمەت تۋرالى» زاڭدى اتاپ وتۋگە بولادى. مەملەكەتتىك قىزمەتشىلەردىڭ جۇمىسىن رەتتەۋ بويىنشا بىرقاتار ءتيىمدى شارالار قابىلدانعان. قازاقستان ءوز ەلىندەگى جاعدايدى, ەرەكشەلىكتەردى ەسكەرە وتىرىپ, باسقا مەملەكەتتەردىڭ وزىق تاجىريبەسىن قولدانۋدا. سوڭعى جىلدارى قازاقستان مەملەكەت قىزمەتتە اشىق باسەكەلەستىك تالاپتارىن ەنگىزۋ, تەستىلەۋ وتكىزۋ, قىزمەتكەرلەردى اتتەستاتسيالاۋ بويىنشا بەلسەندى جۇمىس جاسادى. وعان قوسا كادرلاردى وقىتۋ, قايتا دايارلاۋ بويىنشا وتە جاقسى شارالار قولعا الىنعان. وسىنىڭ بارلىعى - قىتاي ءۇشىن وتە جاقسى تاجىريبە».
قىتاي دەلەگاتسياسىنىڭ ىسساپارىشەڭبەرىندە اگەنتتىكتىڭ قىزمەتى جانە مەملەكەتتىك قىزمەتتىڭ جاڭا مودەلى, «ە-قىزمەت» اۆتوماتتاندىرىلعان دەربەس باسقارۋ جۇيەسى, سونىمەن قاتار مەملەكەتتىك قىزمەت سالاسىنداعى وڭىرلىك حاب تانىستىرىلدى.
ساكەن مايلىباي.
دەرەككوز: egemen.kz.
فوتو: tovary.kuplu.kz.
