اسحات ايماعامبەتوۆ پاۆلودارعا جۇمىس ساپارى بارىسىندا تۇرعىندار الدىندا ەسەپ بەرۋ كەزدەسۋىنەن بولەك, باسقا دا بىرقاتار ءىس-شارا وتكىزدى. ونىڭ ىشىندە وڭىردەگى ءىرى ونەركاسىپ جانە شوب كاسىپورىندارى وكىلدەرىنىڭ قاتىسۋىمەن كوللەدج قىزمەتى ماسەلەلەرى بويىنشا دوڭگەلەك ۇستەل ءوتتى.
سونىمەن قاتار اۋداننىڭ جانە قالانىڭ ءبىلىم بولىمدەرى باسشىلارىمەن, قالا مەن اۋىل مەكتەپتەرىنىڭ جانە ارنايى ۇيىمداردىڭ ديرەكتورلارىمەن, بالاباقشا مەڭگەرۋشىلەرىمەن كەزدەستى.
«كوللەدجدەر مەن ونەركاسىپ كاسىپورىندارىنىڭ باسشىلارى دۋالدى وقىتۋدى دامىتۋ, مەملەكەتتىك تاپسىرىستاردىڭ قۇنىن ارتتىرۋ, تالىمگەرلىك قىزمەتكە قاراجات تولەۋ, كاسىپورىندارعا دۋالدى وقىتۋعا ارنايى كيىم مەن شىعىندالاتىن ماتەريالدارعا قاراجات ءبولۋ, كاسىبي ستاندارتتاردى ازىرلەۋ, وقۋ باعدارلامالارىن جاڭارتۋعا قاتىستى سۇراقتار قويدى. سونداي-اق ولار تەحنيكالىق جانە كاسىپتىك ءبىلىم بەرۋدى دامىتۋ تۋرالى ويلارىن ورتاعا سالدى.
اۋداننىڭ, قالانىڭ ءبىلىم بولىمدەرى باسشىلارى, قالا جانە اۋىل مەكتەپ ديرەكتورلارى, ارنايى ۇيىمدار جانە بالاباقشا مەڭگەرۋشىلەرىمەن كەزدەسۋدە پمپك-نىڭ (پسيحولوگيالىق-مەديتسينالىق-پەداگوگيكالىق كوميسسيا) دامۋى, مەكتەپكە دەيىنگى جانە ورتا ءبىلىم بەرۋ, بالاباقشالاردى ليتسەنزيالاۋدىڭ ماڭىزدىلىعى, وقۋ جىلىنا دايىندىق, جازعى مەكتەپ ناتيجەلەرى جانە باسقا دا ماسەلەلەردى تالقىلادىق», دەلىنگەن جازبادا.
