ورالماندارعا قازاقستان ازاماتتىعى جىل ىشىندە بەرىلەدى

استانا. 24 ءساۋىر. ۇكiمەت سىرتتاعى قانداستارىمىزدى اتا-جۇرتقا ورالۋعا ىنتالاندىراتىن  شارالارعا قولداۋ بىلدىرەدى. ورتالىق كوممۋنيكاتسيالار قىزمەتىندە وتكەن بريفينگتە ەڭبەك جانە الەۋمەتتiك قورعاۋ مينيسترi تامارا دۇيسەنوۆا وسىلاي دەدى. بۇل تۋرالى «قازاقپارات» حابارلادى. ت.دۇيسەنوۆانىڭ ايتۋىنشا, «حالىقتىڭ كوشi-قون ماسەلەلەرi تۋرالى» زاڭنىڭ كوپتەگەن تۇستارى قايتا قارالىپ, ونداعى قويىلعان تالاپتار ءبىرشاما جەڭiلدەتiلدi. ماسەلەن, بۇعان دەيىن ورالمانداردى ەل اۋماعىنا جايعاستىرۋ ءىسىن ۇكiمەت شەشەتiن. ەندi ورالماندار قايدا قونىستاناتىندارىن وزدەرi تاڭدايدى. تەك ۇكiمەت جاعى ەڭبەك رەسۋرستارى جەتكiلiكسiز ايماقتاردى انىقتاپ, سىرتتان كەلگەن قانداستارعا اقپارات بەرىپ وتىرادى. ەڭبەك رەسۋرستارى از وڭىرلەرگە بارىپ, تىرشىلىك ەتەمىن دەۋشى ورالماندارعا مەملەكەت تاراپىنان الەۋمەتتiك پاكەتتەر ۇسىنىلادى. دالىرەگىن ايتقاندا, ونداي جانداردىڭ جول شىعىنى وتەلەدى جانە جالدامالى تۇرعىن ءۇي باعدارلاماسىنا قاتىسا الادى. سونداي-اق, ولارعا جالعا بەرىلگەن ءۇيدi بەس جىلدىڭ iشiندە وزدەرiنiڭ مەنشiگiنە اۋدارۋعا مۇمكiندiك بەرىلمەك. تاعى ءبىر ەرەكشە توقتالار ءجايت, اتامەكەنىن اڭساپ جەتكەن اعايىندار قازاقستان ازاماتتىعىن ءبىر جىلدىڭ ىشىندە الا الادى. بريفينگتە تامارا دۇيسەنوۆا: «قولدانىستاعى زاڭناماعا سايكەس, ورالماندار ءتورت جىل قازاقستاندا ۋاقىتشا تۇرعىن رەتىندە سانالىپ, سودان كەيiن وعان ءۇش جىلدىڭ iشiندە ازاماتتىق الۋ مۇمكiندiگi بەرiلەتىن. بۇنىڭ بارلىعى قازiر بiر جىلعا دەيiن قىسقارتىلۋدا. ولار ەلگە كەلiپ, بiر جىلدىڭ ىشىندە ازاماتتىق الادى», – دەدى. قازiرگi كەزدە ورالماندار جالپى حالىق سانىنىڭ 5,5 پايىزىن قۇراپ وتىر. ياعني, رەسمي مالىمەتكە سايكەس, 1991 جىلدان بەرi 994 مىڭ ورالمان قازاقستان اۋماعىنا قونىستانعان. جولدىباي بازار. دەرەككوز: «قازاقپارات». فوتو: Nur.kz.