كۇشەيتىلگەن رەجيمدە ۇيىمداستىرىلعان تەكسەرۋ كەزىندە تۇركىستان وبلىسىندا سوڭعى ءۇش كۇندە جولعا قاتىستى 3500-گە تارتا قۇقىق بۇزۋشىلىق انىقتالعان. ونىڭ ىشىندە قۇرىلىس زاتتارىن تاسىمالداۋ كەزىندە قاۋىپسىزدىكتى ساقتاماعان, تىيىم سالعان ايماققا كىرىپ, جول بەلگىلەرىنە باعىنباعان جۇك كولىگىنىڭ جۇرگىزۋشىلەرى انىقتالدى.
ماسەلەن, كەلەس اۋدانى جىبەك جولى – گاگارين – جەتىساي – سارىاعاش تاس جولىنىڭ 162-شاقىرىمىندا قۇم تيەپ العان, الايدا قۇمنىڭ ءۇستىن ارنايى جاپقىشپەن جاپپاعان Howo ماركالى كولىگى توقتاتىلدى. وسىلايشا جۇك تاسىمالداۋ قاعيداسىن بۇزعان جۇرگىزۋشىگە قر اقبتك-ءنىڭ 593-بابى 1-بولىگىمەن (جولاۋشىلاردى جانە جۇكتەردى تاسىمالداۋ قاعيدالارىن ساقتاماۋ) حاتتاما تولتىرىلدى.
سونداي-اق, ءتارتىپ ساقشىلارى قالا ىشىندە جۇك كولىكتەرىمەن ءجۇرىپ, جول ەرەجەسىن بۇزعانداردى انىقتاۋ ماقساتىندا تۇركىستان قالاسى ب. جارىلقاپوۆ كوشەسى بويىندا بىرنەشە قۇقىق بۇزۋشىلىقتى انىقتادى. قۇرىلىس زاتىن ارتىپ, الايدا ۇستىنە جاپقىش جاپپاعانى ءۇشىن Howo Sinotrik جۇك كولىگىنىڭ يەسى جاۋاپقا تارتىلدى. ءدال وسى كوشەدە پوليتسەيلەر مەملەكەتتىك تىركەۋ ءنومىرى جوق جۇك كولىگىن بايقاپ, ونى بىردەن توقتاتتى. كولىكتىڭ ءنومىرى ءوز ورنىندا ەمەس, ىشكى سالونىندا تۇرعان. وسى ءۇشىن جۇرگىزۋشىسى قر اقبتك-ءنىڭ 590-بابى 1-بولىگىمەن (مەملەكەتتiك تiركەۋ ءنومiرi بەلگiلەرi (بەلگiسi) وقىلمايتىن نەمەسە ۇلتتىق ستاندارتتىڭ تالاپتارىنا سايكەس كەلمەيتىن نەمەسە بەلگىلەنگەن ورىنداردان تىس جەردە ورناتىلعان, تiركەلگەن كولiك قۇرالىن باسقارۋ) جاۋاپقا تارتىلدى.
ءۇشىنشى قۇقىق بۇزۋشىنىڭ جۇك كولىگىنەن جۇرگىزۋشى جاق بەتىندەگى اينەگىنىڭ جارىلۋى انىقتالىپ, قر اقبتك-ءنىڭ 590-بابى 5-بولىگىمەن (تەحنيكالىق رەگلامەنتتەردىڭ, ۇلتتىق ستاندارتتاردىڭ تالاپتارىنا ساي كەلمەيتiن, سونداي-اق كولىك قۇرالدارىن پايدالانۋعا تىيىم سالىناتىن اقاۋلارى مەن جاعدايلار بار كولiك قۇرالدارىن باسقارۋ) حاتتاما تولتىرىلدى.
ودان بولەك وبلىس ورتالىعىنداعى قىزىلوردا كوشەسىندە كاماز جۇك كولىگىنىڭ جۇرگىزۋشىسى كولىكتى كۋالىكسىز باسقارعان, جول تاڭبا بەلگىلەرىن ساقتاماعانى انىقتالىپ, وعان قر اقبتك-ءنىڭ ەكى بىردەي بابىمەن, ياعني 612-بابى 2-بولىگىمەن, 601-بابىنىڭ 1-بولىگىمەن اكىمشىلىك شاراسى كورىلدى. تۇركىستان وبلىسىنىڭ پوليتسەيلەرى جۇك كولىكتەرىنىڭ جۇرگىزۋشىلەرىنە تەمىر تۇلپارلارىن قالا ىشىندە تىيىم سالىنعان اۋماقتا ايداماۋعا, لاس كۇيدە جۇرمەۋگە, قانداي دا ءبىر جۇك ارتقان ساتتە زاڭعا سايكەس قاۋىپسىزدىك شارالارىن ساقتاۋعا شاقىرادى.
